NAKUAGIZA KUZUNGUKA KATA ZOTE KUHUSU TASAF

Posted on: December 11th, 2023

Nichukue nafasi hii kukuagiza mratibu wa TASAF Manispaa ya Ubungo kuhakikisha unafanya ziara katika kata zote 14 na kuwaeleza wazee kuhusu utaratibu wa kujiunga na mfuko huo pamoja na vigezo vinavyoangaliwa kwenye dodoso la kaya maskini, lakini pia kutatua changamoto zilizopo zinazohusishwa na mfuko huo

Hayo yamesemwa Desemba 11, 2023 na mkuu wa wilaya ya Ubungo Mhe. Hashim Komba alipokua kwenye kongamano la wazee kata ya Goba ambapo alisikiliza na kutatua kero za wazee hao na akamuagiza mratibu wa TASAF manispaa ya Ubungo Ndugu David kuongeza kasi ya ufatiliaji wa changamoto za wazee kuanzia katika ngazi ya mtaa

Kongamano hilo la wazee wa kata ya Goba limefanyika katika mfululizo wa ziara za DC Komba kukutana na kuongea na wazee wa kila kata ili kuskiliza na kutatua changamoto zao

Awali DC Komba amewahakikishia wazee hao kuwa serikali ya Dkt. Samia Suluhu Hassan imeshatoa maagizo kwa halmashauri zote kuhakikisha zinatenga fedha kwaajili ya kugharamia natibabu ya wazee, hivyo DC Komba amemtaka diwani wa kata ya Goba Mhe. Easther Ndoha kujenga hoja katika baraza la madiwani ili kuhakikisha Halmashauri ya Manispaa ya Ubungo inatenga fedha hizo

Kwa kata ya Goba, kadi 18,000 za msamaha wa wazee zimekwishatolewa idadi ambayo bado ni ndogo kulinganisha na wingi wa uhitaji wa kadi hizo