NI LAZIMA UJENZI WA UKUTA UANZE NA KUKAMILIKA" DC MSANDO

Posted on: May 12th, 2025

Mkuu wa wilaya ya Ubungo Mh. Albert Gasper Msando, Mapema leo Mei 12, 2025 amefika katika shule za Msingi Makuburi na Mabibo ili kusimamia kikamilifu ujenzi wa Uzio wa ukuta na kutambua mipaka ya eneo lote la shule.

Mh. Msando amefika katika eneo hilo ikiwa ni utekelezaji wa agizo alilolitoa Mei 09, 2025 wakati akikabidhiwa ofisi na Mh. Twange ambapo aliagiza ujenzi wa uzio katika shule hizo kuanza mara moja.

Akizungumza baada ya kukagua na kuanza kuchimba Msingi, ameagiza Malori yote mabovu au yaliyotelekezwa kwenye eneo la shule kuondolewa mara moja.

"Ujenzi huu umekwama kwa muda mrefu kwasababu ya mivutano inayotokana na maslahi ya maegesho ya magari eneo hilo. Fedha za Ujenzi zipo na Mkandarasi alishapewa kazi muda mrefu. Ni lazima Ujenzi uanze na kukamilika" ~ Amesema Msando

Kwa upande wake Diwani wa Kata ya Makuburi Mh. Shirima Olivery Quirine amemshukuru Mh. Mkuu wa Wilaya kwa hatua zake za mfano za kuhakikisha ukuta huo unaanza kujengwa.

Ujenzi huo wa ukuta wa shule umesimama toka mwaka 2013 licha ya fedha kiasi cha shilingi milioni 13 kutolewa toka wakati huo.