OPERESHENI MTAA KWA MTAA KUPELEKA MTANDAO WA MAJI KATA YA KIMARA.

Posted on: October 1st, 2024

Kufuatia uwepo wa changamoto ya maji katika baadhi ya mitaa  ya kata ya Kimara ikiwemo Mtaa wa Kilungule A, B, Baruti, na eneo la Kibonde Maji,  Mkuu wa wilaya wilaya ya Ubungo Mh. Hassan Bomboko amesema ili kukabiliana na hali hiyo wataanzisha operesheni ya mtaa kwa mtaa ili kuhakikisha wanasambaza mtandao wa maji katika kata nzima.

Amesema watashirkiana na Mameneja wote wa maji wilaya ya Ubungo katika mitaa ambayo tayari mtandao huo umefika, kuhakikishamaji yanatoka huku akizitaka mamalaka za maji kuacha tabia ya kuwabambikizia bili za maji wananchi.

Bomboko amesema hayo Septemba 30, 2024 katika mkutano wa hadhara alipofika katika mtaa wa Kilungule A, B na Baruti ikiwa ni mwendelezo wa ziara yake ya mtaa kwa mtaa, kusikiliza na kutatua kero za wananchi.

Kwa upande wake Meneja wa DAWASA Eng. Thomas Bundala amesema changamoto ya maji katika mitaa hiyo ikiwemo eneo la Kibonde maji ilitokana na changamoto mbalimbali ikiwemo ujengaji wa Bomba ambapo hadi sasa umekamilika na wananchi wataanza kupata maji kwa wakati.

Akiwa katika mtaa wa Kilungule B na Baruti , baadhi ya wananchi walibainisha uwepo wa baadhi ya changamoto kama vile Ubovu wa miundombinu ya Barabara ikiwemo ya 770 hadi Baruti, Barabara ya Cam College, Vijana road, Simanzi-Matete road ambapo meneja wa Tarura aliwahakikishia kuwa barabara zote hizo zitaanza kuchongwa na kujengwa mwezi wa 12 mwaka huu.

Pamoja na changamoto hizo, DC Bomboko amewahakikishia wananchi kuwa wanaweka mpango endelevu wa kuboresha barabara ambazo hazipo katika mpango wa Tanroads na Tarura, huku akisisitiza uwajibikaji kwa watumishi wa umma na wananchi kupata taarifa sahihi kutoka kwenye ofisi zao.

Kwa upande wake Mwenyekiti wa CCM wilaya ya Ubungo Bw. Rogati Mbowe amemtakamkuu wa wilaya kuwabana viongozi wake ili wabadilike katika kipindi hiki kuelekea uchaguzi wa serikali za mitaa ili watoe huduma na kuwatendea sawa wananchi