RAS MHITE ATEMBELEA UBUNGO, ASISITIZA UKUSANYAJI WA MAPATO

Posted on: September 12th, 2025

Katibu Tawala wa Mkoa wa Dar es Salaam  Ndg  Abdul Mhite Septemba 12, 2025 ametembelea Manispaa ya Ubungo kwa lengo la  kuzungumza na wafanyakazi katika Manispaa hiyo na amesisitiza  kujikita katika ubunifu wa vyanzo vya mapato na kufanya kazi kwa weledi

Katika kikao hicho amepokea taarifa ya utendaji kazi  kwa mwaka 2020/2025 iliyowasilishwa na mchumi wa Manispaa hiyo iliyoeleza  changamoto, mafanikio, na fursa zilizopo Ubungo Akizungumza wakati wa kikao hicho Ras Mhite, amesisitiza nguvu na maarifa katika ukusanyaji wa mapato pamoja na ubunifu, Katika suala la ubunifu alisema tufikirie sana wananchi ambao hawana ajira ili kubuni miradi itakayo ongeza ajira na kukuza kipato kwa wanachi wa ubungo

Pia, amesisitiza umuhimu wa matumizi ya teknolojia  na vifaa vya kisasa  katika utendaji kazi ndani  na nje ya ofisi  ili kuendana na kasi ya mabadiliko ya teknolojia  yanayoendelea ulimwenguni,  kwani teknolojia inarahisisha utendaji kazi. 

Aidha umuhimu wa mshikamano na uwajibikaji kwa watumishi wa umma kwa kuwahudumia wananchi wanaofika katika ofisi za wilaya kwa kuzingatia lugha nzuri na weledi ili kutatua changamoto zao  na hii itapelekea kupunguza  idadi ya watu wanaoenda ngazi ya mkoa kutafuta suluhu.

 Ras Mhite amesema kuwa Serikali inaendelea kuimarisha mazingira bora ya kazi pamoja na kusikiliza maoni ya wafanyakazi ili kuongeza tija katika utoaji wa huduma.

Alihitimisha kwa kuwataka watumishi kufanya kazi kwa kushikamana, kupendana na umoja kama timu ili kupata matokeo chanya 

Kwa upande wake, Mkurugenzi wa Halmashauri ya Manispaa ya Ubungo Dkt. Aron Kagurumjuli amemshukuru RAS kwa kutembelea Manispaa ya Ubungo na kueleza kuwa kupitia kikao hicho kimeongeza mwamko mpya wa kazi na kuimarisha mahusiano kati ya wafanyakazi na uongozi wa Mkoa.