RASMI UWEKEZAJI ENEO LA SIM2000 KUANZA KUFANYIKA

Posted on: July 13th, 2024

Mkuu wa mkoa wa Dar es Salaam Mhe. Albert Chalamila amewaasa wafanyabiashara ndogondogo maarufu kama machinga kuacha kushinikiza migomo na badala yake kuunga mkono juhudi za serikali za kuleta maendeleo kupitia miradi mbalimbali ya kimkakati 

Chalamila aneyasema hayo  Julai 13, 2024 alipokua akiongea na wafanyabiashara wa soko la simu 2000 ambapo mradi mkubwa wa uwekezaji unatarajiwa kuamza kutekelezwa katika eneo hilo na mamlaka ya mabasi yaendayo kwa haraka DART

"Rais wetu Dkt. Samia Suluhu Hassan anaendelea kufanya jitihada za kubadilisha taswira ya uchumi wa mkoa wa Dar es Salaam kupitia miradi mbalimbali ya kimkakati ikiwemo ya usafirishaji. Wote mnaweza kuwa mashahidi maeneo mbalimbali ya mkoa wetu yanavyoendelea na ujenzi mkubwa wa barabara na vituo vya mwendokasi. Sote hapa hatuna budi kumpongeza na kumuunga mkono rais wetu" alisema Chalamila

Wakala wa mabus yaendayo haraka watafanya uwekezaji mkubwa katika kituo cha mabus cha simu 2000 ikiwemo ujenzi wa karakana kubwa ya mabus yao, ujenzi wa frame za biashara 165 na kuboresha eneo la wafanyabiashara wadogo wadogo

Aidha, kwa wakati wote ujenzi huo utakapokuwa unaendelea, shughuli za usafirishaji na biashara zitaendelea kwa namna tofauti katika kituo hicho