RC CHALAMILA AIPONGEZA UBUNGO KWA KUPATA HATI SAFI

Posted on: June 26th, 2024

Mkuu wa Mkoa wa Dar es Salaam Mhe. Albert Chalamila ameipongeza Manispaa ya Ubungo kwa kupata Hati safi  kwa kipindi Cha mwaka wa fedha 2022/2023 ikiwa ni mara ya tano mfululizo kuanzia mwaka wa fedha 2018/2019 katika  Baraza maalum la kupokea taarifa za mkaguzi Mkuu na mdhibiti wa hesabu za Serikali  lililofanyika Leo tarehe 26/6/2024  katika ukumbi wa mikutano wa Manispaa ya Ubungo

Akipongeza Mhe. Chalamila amesema kuwa kupata Hati safi kwa mfululizo inaonyesha namna watendaji  na Baraza la madiwani wanavyofanya kazi kwa ushirikiano 

Chalamila ameendelea kusisitiza hoja ziwe zinajibiwa na kuacha kuzalisha hoja ambazo zinaweza kusimamiwa na  kuzuiliwa 

Na pia Chalamila ameendelea kwa  kuipongeze kamati ya ulinzi na usalama Wilaya ya Ubungo kwa kuendelea kuimarisha hali ya ulinzi na usalama kwa Wilaya hiyo

"Nimpongeze Mstahiki Meya kwa kuendelea kusimamia vyema Halmashauri na kufanikiwa kupata HATI safi kwa mara tano mfululizo" alisema Chalamila 

Akisoma taarifa ya ripoti ya  fedha kwa mwaka wa fedha 2022/2023 mweka hazina wa Manispaa ya Ubungo Revocatus Mohabe amesema kuwa, kulikua na jumla ya hoja 181 kutoka  mwaka  wa fedha 2018/2019  mpaka  mwaka wa fedha 2023 ambapo jumla ya hoja 139 zimeshafanyiwa kazi na zimeshafungwa na 42 zilizobaki zinaendelea kufanyiwa kazi 

Nae, Mwakilishi wa CAG Ndg. Nestori Karia Amesema kuwa, ameipongeza Manispaa ya Ubungo kwa kuendelea kupata HATI safi kwa miaka mitano mfululizo na kuwataka Ubungo kuzuia hoja kuendelea kujitokeza ili kuendelea kupata Hati safi.

Aidha, Mkuu wa Wilaya ya Ubungo Hassan bomboko  amesema kuwa hali ya usalama kwa Wilaya ya Ubungo ipo vizuri na katika swala la uchaguzi katika majimbo yote yanaendelea vizuri 

Aliendelea na kusema kuwa, Kero za wananchi zinaendelea kusikilizwa na kutatuliwa na kumuahidi Mkuu wa Mkoa kuendelea kusimamia vyema wananchi wa Ubungo na kumuomba kuja Ubungo kusikiliza kero za wananchi.