RC CHALAMILA AZINDUA MPANGO WA UJENZI WA HOSTELI DAR ES SALAAM

Posted on: January 19th, 2024

Mkuu wa Mkoa wa Dar es Salaam Mhe. Albert Chalamila  Januari 19, 2024 amezindua  Mpango wa Ujenzi wa (Hostel) Daharia Jijini Dar es Salaam ambapo amesema mpango huo utaanza na Hostel za kike zitakazojengwa kila Wilaya na kusisitiza kuwa kwa kufanya hivyo Mkoa utakuwa umeunga mkono Juhudi za Serikali za Kuboresha Miundombinu ya Elimu Nchini

Hata hivyo, Mhe. Chalamila ametumia muda mwingi kuwaasa Walimu kuwa wamebeba hatma za wanafunzi Wao hivyo wanapaswa kuwasaidia katika kutimiza ndoto zao kwa kutokuwa wakali Bali kuwajengea uwezo wa kuwa wabunifu katika Mambo mbalimbali

Vile vile, RC Chalamila ametoa Maelekezo Saba kwa Wakuu wa Wilaya na Wakurugenzi yakiwemo Kuanza ujenzi wa Hosteli hizo, kufanya "fund raising" ya kupata fedha au vifaa vya ujenzi, kuongeza fedha katika ujenzi huo, kila Halmashauri ichore ramani yake yenyewe, Wakuu wa Wilaya kuunda timu ya kufuatilia CSR, Mkoa kufanya " Fund Raising kubwa na wadau wote wa Bia kuunga mkono Mpango huo kwa kuchangia 

Aidhaa, Mkuu wa Mkoa ametumia nafasi hiyo kuwashukuru Wadau Wa Elimu waliounga mkono mpango huo wakiwemo TCRA, ALAF, TPA, BAKHRESA GROUP,  MO DEWJI FOUNDATION, NMB, PEPSI, CRDB, na  NBC

Kwa upande wake RAS Bi. Rehema Madenge amesema ujenzi wa Hosteli hizo ni muhimu mno kwa wanafunzi hasa katika Jiji la Dar es Salaam kwani usafiri wake huwa ni wa shida Hali inayopelekea wanafunzi kutumia muda mwingi barabarani hivyo kukosa muda wa kusoma na kupumzika hivyo uwepo wa Hosteli hizi utawafanya kupumzika, kusoma na kuongeza pia ufaulu

Nao Wakuu wa Wilaya na Wakurugenzi wamepongeza jitihada hizi za Serikali ya Mkoa wa Dar es Salaam na kukili kupokea maagizo yote yaliyotolewa tayari kwa utekelezaji

*Ikumbukwe kuwa Rais wa Jamhuri ya Muungano wa Tanzania Dkt. Samia Suluhu Hassan hapendi kumuona mtoto wa kike akikatisha masomo yake na  ndio maana amewarejesha wote mashuleni*