TARURA WAAGIZWA KUFANYIA TATHIMINI BARABARA YA KWA PANYA

Posted on: February 17th, 2024

Mkuu wa Wilaya ya Ubungo Hashim Komba ameiagiza TARURA Wilaya ya Ubungo, kuifanyia tathmini Barabara ya Mtaa ya Kwa Panya yenye urefu wa km 3, iiliyopo Kata ya Mbezi katika eneo la Msumi kwa Londa, ili kupendekeza kiasi cha Fedha zitakazotumika kuikarabati kwa kipindi cha mpito, ikiwa ni kuunga mkono jitihada za wananchi walioanza kujichangisha, huku akiagiza  kuipandisha hadhi Barabara hiyo na kuwa chini ya Usimamizi wa TARURA, ili ipate bajeti ya serikali.

DC Komba ametoa maelekezo hayo baada ya kutembelea eneo hilo kujionea jitihada za wananchi hao kujichangisha Fedha Kwa ajili ya ukarabati wa Barabara hiyo ambayo haipo TARURA wala TANROADS, ambapo pamoja na kuwapongeza Wananchi hao, ameahidi kuwachangia kiasi kidogo Cha Fedha kutoka kwenye bilioni 1.8 za Halmashauri, zilizotengwa Kwa ajili ya  kurudisha miundombinu iliyoharibiwa na mvua, baada ya  kupitia mchakato kiwango kitakachopendekezwa.

Aidha amesema kuwa kutokana na muitikio mkubwa wa Wananchi katika kujichangisha Fedha za ukarabati wa Barabara za Mitaa zilizo nje ya TARURA na TANROADS, ameamua kuanzisha mpango wa 'Jenga Pamoja' utakaosaidia Ujenzi wa Barabara hizo Kwa ushirikiano wa michango ya Wananchi, Fedha za Halmashauri na Wadau mbalimbali wa maendeleo.

Aidha, amesema kupitia mpango huo, kuanzia kwenye bajeti mpya ya mwezi wa Saba, Kila Mtaa utapelekewa Milioni 35 ambazo viongozi wa Mtaa wataangalia maeneo ya kuboresha katika Barabara za ndani ya maeneo yao, Kwa kushirikiana na wadau mbalimbali wa maendeleo.

Wakizungumza mbele ya Mkuu wa Wilaya huyo, Wananchi wa eneo hilo, akiwemo Bakari Mkomwa, wamesema walioanza kuchangisha wenyewe nyumba kwa nyumba, ambapo tangu mwaka 2020 wakipanga kutumia Milioni 16.5, ambapo Hadi Sasa michango taslimu imepatikana milioni 4.7, na ahadi ikiwa ni Milioni 5, Hali ambayo imepelekea kuomba Serikali iwaunge mkono kutokana na ukubwa wa gharama.

 "Tunefurahishwa sana na ujio wa Mkuu wa Wilaya na kutuunga mkono kupitia jitihada zetu tulizoanza,  Rais Samia tunasema asante, tulikuwa na changamoto kubwa kwenye Barabara ya Kwa Londa na ndiomaana tukaanzisha jitihada za kutengeneza Kwa michango, kwasababu tunapenda maendeleo