TIMU YA UKAGUZI NA UFUATILIAJI WA MIRADI YAINGIA SITE ,YAPONGEZA NA KUAGIZA KASI IONGEZEKE UTEKELEZAJI WA MIRADI

Posted on: July 21st, 2025

Timu ya wataalam ya ufuatiliaji na ukaguzi wa miradi  Manispaa ya Ubungo imefanya ziara ya kutembelea miradi ya elimu, afya na barabara inayotekelezwa kwa kutumia Fedha za mapato ya ndani na mfuko wa Jimbo kwa lengo la kujionea hatua za miradi hiyo  ilipofikia

Timu hiyo imefanya ziara  tarehe 21 julai, 2025 na imetembelea Mradi wa ujenzi wa madarasa 2 katika Shule ya msingi millennium ya tatu iliyopo kata ya Kimara yaliyojengwa kwa gharama ya shilingi milioni 44 na matundu 6 ya vyoo uliogharimu  kiasi cha shilingi milioni 10 na laki nane na kutoa maelekezo mhandisi afike Shuleni hapo kwa ajili ya kufanya tathmini ya vitu vilivyobakia ili ujenzi uendelee katika matundu ya vyoo ambayo yamebaki vitu vichache kukamilika ili vianze kutumika

Wataalam wametembelea Shule ya Sekondari Kimara kuangalia  ujenzi wa chumba cha kompyuta kilichogharimu milioni 8, eneo lilolipwa fidia na fidia ishalipwa kiasi cha shilingi milioni 10, ukarabati wa barabara ya mtaa wa mavurunza eneo la millennium ya tatu shina namba 7 katika kata ya Saranga kiasi cha shilingi 2,000,000.00 na kupongeza utekelezaji uliofanyika kwa kuhakikisha muhusika aliyestahili kulipwa fidia kapata fidia na barabara inatumika

Aidha, wataalam wametembelea Shule ya msingi Msewe kujionea ununuzi wa madawati 150 ikiwa ni Fedha za  mfuko wa Jimbo  na mapato ya ndani madawati 100

Na pia timu imetembelea Shule ya msingi mashujaa, kituo cha afya Makurumla, hospitali ya Wilaya iliyopo Kimara Baruti, pamoja na ukarabati wa madarasa Shule ya msingi Ubungo NHC.