TIMU YA WATAALAMU MANISPAA YA UBUNGO YATEMBELEA MIRADI YA MAENDELEO

Posted on: November 3rd, 2022

Manispaa ya Ubungo ni moja kati ya Manispaa zinatokeleza miradi mbalimbali ya maendeleo na Leo 03/11/2022 Timu ya Wataalamu wa Manispaa hiyo ikiongozwa na Kaimu Kurugenzi wa Manispaa hiyo Dkt. Peter Nsanya imefanya ziara ya kutembelea miradi hiyo lengo ikiwa ni kukagua utekelezaji wa miradi hiyo.

Katika ziara hiyo Timu hiyo imefanikiwa kutembelea miradi inayotekelezwa kwa fedha kutoka kwa Mhe. Rais Samia Suluhu Hassan kwa ajili ya ujenzi wa vyumba 81 vya madarasa katika shule 10 za Sekondari za Manispaa hiyo kwa gharama za shilingi Bilioni 1.62.

Miradi mbalimbali inayotekelezwa kwa Shule za Sekondari ikiwemo Shule ya Sekondari ya Kibamba madarasa 2 kwa Tsh Milioni 40, Kiluvya madarasa 8 kwa Tsh Milioni 160, Matosa madarasa 7 Milioni 140, Mbezi Luis madarasa 22 milioni 440, Temboni Government madarasa 9 kwa Tsh milioni 180, Kimara madarasa 6 kwa Tsh milioni 120, Makoka madarasa 8 kwa Tsh milioni 160, Yusuph Makamba madarasa 3 kwa Tsh milioni 60, Saranga madarasa 5 kwa Tsh milioni 100, na Urafiki madarasa 11 kwa Tsh milioni 220.

Aidha, wataalamu hao wamepongeza hatua za miradi hiyo kuwataka wakandarasi wanaotekeleza miradi kukamilisha ujenzi huo kabla ya tarehe 15 Disemba 2022 na wamemshukuru Mhe  Rais wa awamu ya sita kwa mgao huu unaoenda kukuza swala la elimu kwa wananchi.