TUME YQ MAADILI YA UTUMISHI WA UMMA YAFIKA UBUNGO

Posted on: December 2nd, 2022

Kuelekea kilele cha maazimisho ya siku ya maadili duniani ambayo kilele chake hufanyika tarehe 10 Disemba Sekretarieti ya Maadili ya Viongozi wa Umma kanda ya Dar es Salaam imefanya mafunzo kwa viongozi na wataalamu wa Manispaa ya Ubungo lengo ikiwa ni kuendelea kuwakumbusha namna ya kuenenda kwenye utekelezaji wa majukumu yao kwa maslahi ya wananchi.

Katika mafunzo hayo yaliyotolewa na Sekretarieti hiyo kwa kushirikiana na ofisi ya tume ya haki za binadamu na Utawala bora, na TAKUKURU viongozi na wataalamu hao wamefanikiwa kujifunza mada mbalimbali ikiwemo kujua misingi ya maadili kwa viongozi na watumishi wa Umma, namna watumishi wanapaswa kuenenda na kuelezewa miiko ya watumishi wa Umma.

Akiongea katika mafunzo hayo Ndg. Elizabeth Komba Katibu Msaidizi Sekretarieti ya Maadili ya Viongozi wa Umma amesema maazimisho hayo yanaenda sambamba na kauli mbiu isemeyo “maadili, haki za binadamu utawala bora na mapambano dhidi ya rushwa ni jukumu letu sote”na yataazimishwa kwa siku 10 kuanzia tarehe 01-10 Disemba, 2022 na siku ya kilele kitaifa yataazimishwa Dodoma.

Aidha, Elizabeth ameendelea kueleza kuwa maazimisho hayo yataazimishwa kwa kufanya vipindi kwenye media mbalimbali, kuongea na viongozi na wataalamu wa Halmashauri kwa ajili ya kutoa elimu ya masuala ya maadili kwani swala la maadili lisipozingatiwa linaweza kupelekea mambo mengi maovu ikiwemo wizi, ukatili wa kijinsia na utekelezaji mbaya wa miradi mbalimbali ya maendeleo.

Elizabeth ametoa wito kwa viongozi na wataalamu hao juu ya kuzingatia misingi mbalimbali ya maadili ikiwemo uaminifu, kuepuka kupokea kuomba na kutoa zawadi kinyume na utaratibu, kutopendelea, kujizuia na tamaa na uzingatiaji wa sheria, kanuni na taratibu ili kuwa na jamii salama.

“Maadili yanawezeshwa kwa kuhamasishwa kwa matendo kwa  kuanzia kwa mtu mmoja na jamii kwa ujumla”

Nae Ndg. Aristarico Majura Afisa uchunguzi mwandamizi Tume ya haki za binadamu na utawala bora amesema kazi kuu ya tume hiyo ni kuhakikisha haki inatendeka.