TUSHIRIKIANE KUKABILIANA NA MAGONJWA

Posted on: January 24th, 2024

Mapema tarehe 24 Januari, 2024 Usafi wa Mazingira Kimkoa umefanyika Wilaya ya Ubungo kata ya  Msigani eneo la stendi ya Malamba Mawili na Mkuu wa Mkoa wa Dar es Salaam Mhe. Albert Chalamila akiwa ni kiongozi aliyeshiriki kufanya usafi katika eneo hilo

Akiwa katika usafi Chalamila amesema kuwa, siku ya leo umefanyika usafi kwa ajili ya kukabiliana na Magonjwa ya mlipuko ikiwemo kipindupindu hasa katika maeneo yenye watu mengi

Aliendelea kueleza kuwa, lengo pia ni Kuendelea kupendezesha Jiji la Dar es Salaam kwa  kusafisha maeneo yote na zoezi hilo ni endelevu.

Chalamila alieleza kuwa, Kampeni hii haihusiani na udhibiti wa maandamano yaliyoombwa na chama cha upinzani chadema bali ni kuhakikisha ushirikiano unatolewa kati ya serikali na  vyama pinzani kwa kufanya kazi kwa pamoja

"Nipongeze na kuwashukuru chama cha mapinduzi Wilaya ya Ubungo na vyama pinzani ikiwemo Chadema walioshiriki katika zoezi la usafi". Alipongeza Chalamila

Nitoe rai huu sio wakati wa kuendeleza siasa chafu na sio kuendeleza chuki na masimango ni muda wa kuishi kwa amani. Alisisitiza Chalamila

Chalamila aliendelea kusisitiza usafi kufanyika mara kwa mara na kuwataka wananchi na wafanyabiashara kuhakikisha Dar es Salaam inakuwa safi mda wote kwani  ni sehemu pekee ya biashara na kila mmoja anajukumu la kuilinda.

Niwaagize viongozi wa Wilaya akiwemo Mkuu wa wilaya, madiwani n.k kuwa wabunifu kwa kushirikiana na wafanyabiashara mara kwa mara katika kuilinda amani ya wafanyabiashara na kuongea nao ili kutatua changamoto zao

Nae, Katibu Tawala Mkoa Rehema Madenge aliwashukuru wadau mbalimbali walioshiriki katika kuchangia vifaa vitakavyotumika kufanyia usafi ambao NMB, KAMPUNI YA SIGARA, CRDB 

Mwenyekiti wa wafanyabiashara Mkoa wa Dar es Salaam Yusuph Namoto amempongeza mkuu wa mkoa kwa kushiriki kufanya usafi pamoja na  wafanyabiashara na kutoa  rai kwa wafanyabiashara kuzingatia maeneo yaliyopangwa kwaajili ya kufanyabiashara na kuhakikiaha  usafi unafanyika mara kwa mara.