TUZINGATIE USAFI KUEPUKA MAGONJWA

Posted on: May 31st, 2025

Diwani wa Kata ya Makuburi Mh. Shirima Olivery Quirine ametoa wito kwa wananchi wa mtaa wa Kibangu na kata ya Makuburi kwa ujumla kuendelea na zoezi la usafi kila mwisho wa mwezi ili kuepuka mlipuko wa Magonjwa mbalimbali katika maeneo yao.

Mh. Shirima ametoa wito huo katika eneo la Riverside alipomwakilisha Mkuu wa wilaya ya Ubungo Mh. Albert Msando ambapo amewataka wananchi kukataa uchafu, kusafisha na kupendezesha maeneo yao kwa kufanya usafi mara kwa mara  ili kuiweka safi Ubungo.

Amesema ili kuepuka magonjwa ya mlipuko ikiwemo kipindipindu ni lazima wananchi na wafanyabiashara wote kuhakikisha maeneo yote yanakuwa safi muda wote na usafi uwe ni endelevu.

Naye Mtendaji wa kata ya Makuburi Bi. Asha Sechonge amewapongeza wananchi kwa kuitikia kufanya usafi kwa wakati huku akisisitiza kuwa ni lazima kwa pamoja serikali, wananchi na wadau kushirikiana kukataa uchafu na kwamba sheria ya hakuna kutupa taka hovyo lazima ifuatwe.

Kwa upande wake Mwenyekiti wa mtaa wa Kibangu Hamis Mohamed amewahakikishia wananchi kuwa eneo ni salama na litakuwa safi kwa biashara na shughuli zote za maendeleo huku akiahidi kufanyia kazi baadhi ya changamoto zikiwemo kuzibua na kusafisha mitaro na mifereji ya maji taka iliyoziba