UBUNGO YAADHIMISHA SIKU YA CHAKULA DUNIANI

Posted on: October 15th, 2024

Manispaa ya ubungo  tarehe 16 oktoba,2024 imeadhimisha siku ya chakula duniani katika shule ya Msingi Hondogo ambapo wanafunzi kutoka katika shule hiyo wameonyesha  vipaji vyao na uelewa wao kuhusu lishe bora na umuhimu wa kuzingatia makundi sahihi ya chakula

Maadhimisho hayo yameenda sambamba  na kauli mbiu isemayo "Haki ya chakula kwa afya bora ya sasa na baadae" 

 Akizungumza katika  maadhimisho  hayo mgeni rasmi ambaye ni Diwani wa kata ya Kibamba Mhe.Peter Ikamba ameahidi kuhakikisha atasimamia masuala ya lishe mashuleni katika shule zote zilizopo kata ya kibamba 

Na pia Mhe. Ikamba ameshukuru kwa maadhimisho hayo kufanyika katika kata ya kibamba ambapo wanafunzi wamefurahi kwa pamoja na kupata elimu ya masuala mbalimbali ya lishe ili kuzingatia lishe bora 

Mhe.Ikamba amewasisitiza walimu kuendelea  kuwajengea uelewa wanafunzi kwani ubunifu walionyesha na uwasilishaji mzuri wa risala yenye maelezo muhumu kuhusu lishe wakaendelee kuwajengea uelewa zaidi.

Akizungumza Afisa kilimo wa Mkoa Ndg. Omari Rajab amemshukuru mgeni rasmi kwa ujio wake katika maadhimisho hayo ambayo yamelenga kuwapa wanafunzi uelewa wa lishe bora

Nae afisa kilimo Stela Nzeru amesema kuwa lengo la maadhimisho hayo ni kuboresha afya na kuwakumbumbuka 

wenye njaa kwa kuongeza uzalishaji na itasaidia dunia kuepukana na njaa