UBUNGO YAADHIMISHA SIKU YA ELIMU, PONGEZI KWA WANAFUNZI NA WALIMU WALIOFANYA VIZURI

Posted on: March 27th, 2024

 Tarehe 27 March,2024 Manispaa ya Ubungo kupitia Idara ya elimu Sekondari imeadhimisha siku ya elimu kwa kuwapa tuzo za pongezi kwa walimu na wanafunzi waliofanya vizuri katika mitihani ya kidato cha pili na cha nne iliyofanyika mwezi novemba, 2023.

Akifungua hafla hiyo Mkuu wa Wilaya ya Ubungo Hassan Bomboko amepongeza wadau walioshiriki katika uandaaji wa siku hiyo muhimu kwa kutambua mchango wa elimu kwa Wilaya ya Ubungo ambao ni Vodacom na Crdb

Bomboko aliendelea na kusema kuwa, katika kuhakikisha ufaulu unaongezeka ni lazima ntakaa kikao na walimu wakuu wa Shule zote  lengo likiwa ni kuhakikisha ufaulu wa wanafunzi unaongezeka kwa Wilaya ya Ubungo.

"Ni lazima ufaulu uongezeke na hii ni moja ya Kipaumbele Changu" amesisitiza Bomboko

Aidha, Kaimu Mkurugenzi Ndg.Vosta Mgina ambaye pia ni Mkuu wa Idara ya Elimu Sekondari Manispaa ya Ubungo amesema kuwa katika kuhakikisha jitihada zinafanyika kukuza swala la elimu kwa Manispaa ya Ubungo imewekwa mikakati na moja wapo ni kuwapa motisha wanafunzi wanaofanya vizuri  pamoja na walimu 

Mgina aliendelea kwa kueleza kuwa ,wadau walioshiriki Leo ni wadau ambao wamekuwa  wakitumiwa sana hasa katika mabonanza mbalimbali na Halmashauri ina ahidi kuendelea kutoa ushirikiano kwa wadau hao.

Pia Mgina amemshukuru Rais wa Jamuhuri ya Muungano wa Tanzania kwa kuendelea kujenga Shule nyingi ambazo zinaendelea kutatua changamoto ya uhaba wa Shule kwa Wilaya ya Ubungo na kwa Sasa Ubungo inajivunia Shule kubwa Maalumu ya  wasichana kwa Mkoa wa Dar es salaam iliyopo Kwembe katika Mtaa wa Njeteni.

"Tunaendelea kuboresha Mazingira mazuri ya maslahi ya walimu na tuna ahidi kusimamia jambo hili kwa ufanisi mkubwa" alisema hayo Mgina 

Akisoma taarifa ya ufaulu kwa wanafunzi wa kidato Cha pili kwa mwaka 2023 Afisa elimu taaluma Manispaa ya Ubungo Exaveria Mlowe amesema kuwa kwa kidato Cha pili kwa mwaka 2023  jumla ya wanafunzi 9935 kati ya wanafunzi 11,022 kwenye matokeo ya upimaji wamepata ujuzi wa maarifa kuendelea na kidato Cha tatu ambapo wasichana ni 5049 na wavulana ni 4886.