UBUNGO YAAHIDI KUJIPANGA IMARA ZAIDI KWA MSIMU UJAO WA SHIMISEMITA | YAPOTEZA MBELE YA DODOMA JIJI

Posted on: August 29th, 2025

Timu ya mpira wa Pete ya Manispaa ya Ubungo imemaliza mashindano ya watumishi wa serikali za mitaa SHIMISEMITA 2025 kwa kuishika hatua ya robo fainali baada ya kufungwa na timu ya Dodoma jiji goli 25 kwa 14 mchana wa Leo agosti 28, 2025 katika uwanja wa Harbours jijini Tanga

Timu ipo imara, wachezaji wote wakiwa salama na imechukua mafunzo ya kutosha kwenye michuano hii ya mwaka 2025 na kuahidi kwenda kujipanga Upya na imara zaidi ili kuvuka malengo kwa msimu mwingine wa mashindano haya

Timu ya mpira wa Pete ya Manispaa ya Ubungo imekuwa timu ya Mwisho kutolewa kwa timu za Manispaa hiyo baada ya timu ya mpira wa miguu kuishia hatua ya makundi kutokana na changamoto kadhaa

Timu zinajiandaa kumaliza mashindano hayo kiitifaki siku ya kesho Agosti 29, 2025 kabla ya kuanza safari kurejea nyumbani kuendelea na majukumu mengine ya kujenga taifa