UBUNGO YAENDELEA KUBORESHA MIUNDOMBINU BORA YA HUDUMA ZA AFYA

Posted on: October 29th, 2023

Katika kuhakikisha wananchi wanapata huduma za afya zenye uhakika na kwa wakati Manispaa ya ubungo imejipanga kukamilisha miundombinu  ya ujenzi wa Kituo cha Afya Mbezi, Kimara na Hospitali ya Wilaya ikiwa ni suluhisho la kuondokana na  msongamano katika vituo hivyo hususani huduma ya Baba, mama na Mtoto (huduma za uzazi)

Kauli hiyo imetolewa na Mkurugenzi wa Manispaa ya Ubungo Ndg.Elias Ntiruhungwa katika ziara ya ukaguzi wa miradi ya maendeleo katika Manispaa hiyo na kusema kuwa katika sekta ya afya Manispaa inaendelea kujenga miundombinu bora  kwa ajili ya kuboresha utoaji huduma hasa  za Baba, mama na mtoto.

Akiongea na akina mama 16 waliojifungua oktoba 29,2023 katika wodi ya wazazi kituo cha afya kimara, Ntiruhungwa amewaeleza kuwa Halmashauri inaendelea kuboresha miundombinu ya afya ambapo kwa sasa imetenga fedha kiasi cha shilingi Milioni 80 kwa ajili ya kukamilisha Kituo cha Afya Mbezi ili kupunguza msongamano wa wagonjwa katika kituo hicho. 

Aidha, Ntiruhungwa  amewaeleza wanawake hao kuwa "Tunamashukuru Rais wa awamu ya sita Mhe. Dkt Samia Suluhu Hassan kwa kuwezesha  uboreshaji wa huduma za afya ambapo jana oktoba 28,2023 ametupa gari la wagonjwa kwa ajili ya kuhakiksha wagonjwa wanaopata rufaa wanafikishwa hospitalini  kwa wakati" 

Pamoja na kuwahakikishia upatikanaji wa huduma bora za afya, Ntiruhungwa ametoa zawadi ya kiasi cha shilingi 200,000  kwa wauguzi 2 na akina mama 16 waliojifungua leo katika kituo hicho na kuwahakikishia kuwa upatikanaji wa huduma ni wa uhakika ikiwemo vifaa tiba, dawa na wataalamu wakati wote

Akiongea kwa niaba ya akina mama waliojifungua katika kituo hicho Bi. Rehema Said Kasimu baada ya kupokea zawadi ya fedha shilingi  laki moja kwa niaba ya wenzake kutoka kwa  Mkurugenzi wa Manispaa hiyo, ameishukuru Serikali kwa huduma nzuri kutoka kwa wataalam, miundombinu mizuri, na upatikanaji wa dawa na vifaa tiba vya kisasa "tunamshukuru sana Rais wetu Mama Samia kweli kazi inaendelea.

Nae Mganga Mfawidhi Kituo cha Afya Kimara Dr. William Chaulenzi amesema kituo cha afya Kimara kwa siku moja wastani wa  akina mama 25 wanajifungua

Wataalam wakiongozwa na Mkurugenzi Ndg. ELIAS NTIRUHUNGWA wakiwa katika ukaguzi wa mradi katika kituo cha afya kimara