UBUNGO YAFANYA MAFUNZO KWA VIKUNDI BAADA YA KUPATA MKOPO.

Posted on: March 5th, 2025

Halmashauri ya Manispaa ya Ubungo imeandaa Mafunzo elekezi yaliyofanyika  Marchi 5, 2025. Ikiwa na lengo la kuvikumbusha vikundi namna bora ya kusimamia biashara zao sambamba na hilo kufanya majeresho kwa wakati.

Vikundi vya wanawake ambavyo vimekidhi vigezo vya kupatiwa mikopo itokanayo na asilimia 10 ya mapato ya ndani ya manispaa ya Ubungo, vimepatiwa mafunzo elekezi ya siku moja ya namna bora ya kuendesha miradi yao ikiwemo utunzaji wa fedha, nyaraka na kufanya marejesho kwa wakati. 

Katika upembuzi wa maombi hayo jumla ya vikundi 90 vikiwemo vya wanawake 59, vijana 30, na kikundi 1 cha watu wenye ulemavu vimekidhi vigezo kati ya vikundi 209 ambavyo viliomba mkopo huo ambavyo vitapewa jumla ya sh.2,041,123,500/=

Akifungua mafunzo hayo kwa niaba ya Mkuu wa Idara ya Maendeleo ya Jamii Bi. Albina Mtumbuka amesema kuwa Mikopo hiyo isiyo na riba inatolewa kwa mujibu wa sheria ambapo wanawake (4%), vijana (4%) na watu wenye ulemavu (2%) inakusudia kuwakwamua makundi hayo  ambayo hayana ajira rasmi kwa kuimarisha shughuli  za kiuchumi na kuboresha maisha yao kwa ujumla. Mafunzo hayo yawasaidie kutekeleza vyema Miradi yenu, ili muweze kufanya marejesho vizuri, na hivyo kuwezesha vikundi vingine kukopeshwa. 

‘Serikali ya Awamu sita lengo lake kubwa ni kuwainua Wanawake, Vijana na Watu wenye ulemevu kiuchumi, Hivyo ni vyema vikundi vikafanya majeresho kwa wakati kwani fedha hizo ndizo zitakazo saidia kukopesha vikundi vingine.’

Aidha Afisa kutoka Takukuru Bi. Magdalena Sengasenga amewakuwakumbusha kufanya majeresho kwa wakati kwani mfumo wa sasa wa ufuatiliaji mikopo hii umeongezwa wigo na umekuwa wa wazi hivyo kila kikundi kiwajibike kurejesha fedha hizo kwa wakati.

"Awamu hii mpya ya mikopo imeboreshwa kwa maana ya usimamizi na ufuatiliaji, sitegemei kikundi kushindwa kurejesha kwasababu mmefanyiwa ukaguzi wa kina kuhusu miradi yenu" kutokufanya ivo ni kuvunja sheria na sisi kama Takukuru tumepewa dhamana ya kufuatilia mchakato huo hatua kwa hatua na kuhakikisha vikundi vinavyostahili vinufaike na mikopo hiyo na vinafanya marejesho kwa wakati.