UBUNGO YAKABIDHIWA RASMI MRADI NA KANISA LA YESU KRISTO LA WATAKATIFU WA SIKU ZA MWISHOs

Posted on: January 31st, 2025

Manispaa ya Ubungo yakabidhiwa rasmi mradi wa ujenzi wa Shule ya msingi Kibamba  wenye gharama ya shilingi 470,822,185.12 ambapo katika gharama hizo shilingi  329,532,252.78 imetumika kujenga madarasa 9, ofisi  2 ndogo za walimu  na ofisi 1 kubwa ya walimu,  vyoo vya wanafunzi na kujenga mnara wa matenki ya maji na kiasi Cha shilingi 141,289,932.34 imetumika kuvunja vyumba vya madarasa 3 vya awali na  kujenga upya, Ujenzi huo umegharamiwa na  kanisa la  Yesu Kristo la Watakatifu wa siku za mwisho 

Akipokea mradi huo,  Januari 31, 2025 Mgeni rasmi katika tukio hilo ambaye ni katibu Tawala wa Wilaya ya Ubungo Ndg.Hassan Mkwawa ametoa wito kwa walimu na wanafunzi kwa kuwataka wayatunze na kuyalinda madarasa hayo na miundombinu yote kwa ujumla ili yaweze kutumika na kwa vizazi vijavyo

Das Mkwawa aliendelea kusema kuwa, Ikitokea kuna mapungufu au uharibifu wa aina yoyote marekebisho yafanyike kwa haraka ili kuendelea kudumisha ubora wa majengo hayo ambayo yametolewa kwa lengo la kusaidia wananchi wote hasa wakazi wa Ubungo wanafunzi wameweza kupata mazingira salama ya kusomea

“Niendelee kuwaomba sapoti yenu iendelee Katina kuisadia Serikali kwani jambo hili lina manufaa kwa wananchi wa Ubungo, Ubungo tunajiona wenye bahati miradi hii mingi mmetufadhili” alisema hayo Das Mkwawa

Aidha,  Akikabidhi mradi huo Rais wa kanisa hilo kigangi cha  Dar es salaam, Juventinious Rubona ameshukuru uongozi wa Wilaya ya Ubungo kwa kuwapokea na amesema kuwa kanisa hilo linatambua mchango mkubwa ambao Serikali inafanya na kwa kutambua hilo kanisa nalo imejitoa kuwezesha maendeleo ya Serikali kwa kusaidia Shule hiyo kupata madarasa hayo ambayo yatasaidia kwa wanafunzi kusoma katika mazingira mazuri 

Nae, Kaimu Mkurugenzi Bi. Kissa Mbilla amewashukuru kanisa hilo kwa kufanikisha ujenzi huo na kuwataka walimu kusimamia vyema madarasa hayo yasiharibiwe ili yaweze kutumika vizazi na vizazi

Ikumbukwe kuwa kanisa hilo pia kwa mwaka 2022 lilijenga vyumba vya madarasa matano na matundu ya vyoo 8 ambapo katika hayo 8 ya wavulana na wasichana 8 na vilianza kutumika na kukabidhiwa Novemba 2022