UBUNGO YAPATA TUZO KUJIBU KERO ZA WANANCHI

Posted on: September 21st, 2024

Manispaa ya Ubungo imepata Tuzo ya  uwajibikaji wa haraka katika kutoa majibu  ya hoja zinazoiburiwa na wananchi kupitia mtandao wa kidigitali wa Jamii Forums.

Tuzo hiyo imetolewa septemba 21, 2024  na asasi ya Kiraia ya Jamii Forum kwenye hafla ya maadhimisho ya miaka mitano ya program ya story of change ambapo taasisi za umma 10 ikiwemo Manispaa ya Ubungo zimepata tuzo hiyo hiyo.

Akizungumza  wakati wa kutoa tuzo hiyo Mkurugenzi wa Jamii Forum  ndugu Maxence Melo  alieleza kuwa kati ya hoja za wananchi  zilizojibiwa na  Manispaa hiyo zimehusisha sekta ya usafiri katika kituo kikuu  cha Mabasi cha Magufuli na sekta zingine zinazogusa wananchi wa kawaida wanaotumia mtandao huo kutoa kero zao zinazohitaji majibu na ufafanuzi zaidi

Mkurugenzi huyo pia amesema taasisi hiyo inathamini jitihada zinazofanywa na Manispaa ya Ubungo kwa kuwa karibu na wananchi hasa wa kawaida kwa kutoa majibu ya hoja zao zinazowasiliswa kupitia mtandao huo.