UBUNGO YAPONGEZWA KWA UTEKELEZAJI MZURI WA MIRADI

Posted on: September 29th, 2023

Tunawapongeza viongozi wetu wa Wilaya ya Ubungo kwa kazi kubwa wanaoifanya ya utekelezaji wa miradi kwa weledi na ufanisi

Hayo yameelezwa  tarehe 29 septemba, 2023 na wajumbe wa Halmashauri kuu Wilaya ya Ubungo walipotembelea miradi mbalimbali inayotekelezwa katika Manispaaa ya ubungo

Wakitembelea miradi hiyo wajumbe walipongeza juhudi za viongozi ngazi ya kata,madiwani na Mkurugenzi wa Halmashauri pamoja na timu ya wataalam wa Manispaa kwa kusimamia miradi vizuri

Aidha, Wajumbe walitembelea  Zahanati ya Temboni mradi uliojengwa kutokana na fedha za nguvu ya wananachi shilingi milioni 16,900,845, mapato ya ndani milioni 15, mfuko wa jimbo milioni 3, fedha za ruzuku milioni  112

Na pia mradi wa Ujenzi wa shule mpya King'azi Sekondari inayojengwa kwa gharama ya shilingi milioni 528 ambapo ujenzi wake mpaka sasa umefikia 75℅

Pia walifanikiwa kutembelea  kikundi cha akina mama cha ufugaji wa kuku kilichopo Kibamba ambacho kilipata fedha za mikopo ya 10℅ ambacho kilipata mkopo milioni 10 awali na baada ya kurejesha walipata tena milioni 30

Miradi mingine iliyotembelewa ni kituo cha Afya Amani , ujenzi wa chuo cha VETA-kibamba, Stendi ya mabasi Magufuli bus terminal na Shule ya sekondari ya Dar es Salaam Girls.

wajumbe wa Halmashauri kuu wakikagua mradi wa kina mama wanaofuga kuku waliopo kibamba