UBUNGO YAUPIGA MWINGI,ARDHI CLINIK HATI 426 TAYARI

Posted on: November 21st, 2023

Ikiwa ni wiki moja toka zoezi la ardhi clinic kuzinduliwa Manispaa ya Ubungo  Imefanikiwa kutoa jumla ya hati 426 na migogoro ya ardhi 289 imetatuliwa katika zoezi hilo linaloendelea kufanyika katika Viwanja vya Kimara  Stopover.Zoezi hilo ni la siku 25 lilizinduliwa tarehe 13/11/2023 na zoezi hilo  litaendelea katika viwanja  hivyo vya Kimara Stopover mpaka tarehe 7/12/2023 siku ya mwisho.

Akizungumza katika zoezi hilo Ndg. Laurent Mswani Mratibu wa zoezi la Urasimishaji Mkoa wa Dar es Salaam amesema kuwa, zoezi la  ardhi clinik litahusisha utoaji wa hati papo kwa papo pamoja na utatuzi wa migogoro ya ardhi ya maeneo mbalimbali iliyopo ndani ya Wilaya  ya Ubungo na pia zoezi hili litafanyika kwa kila Wilaya ambapo kwa Mkoa wa Dar es Salaam zoezi hilo linafanyika Halmshauri zote tano ambapo Kigamboni na Temeke tayari zoezi limeshafanyika  na sasa zoezi hili lipo Wilaya ya Ubungo.

Mswani Aliendelea kueleza kuwa,Lengo ni kuhakikisha wananchi wanapata urahisi wa kupata hati na sio hati tu na  kupata punguzo la asilimia 50 huku akiwa na umiliki wa halali wa ardhi anayoimiliki.

"Huduma hii kwa sasa imesogezwa kwa  wananchi wa Ubungo lengo ni  kuepusha safari za kwenda mpaka Ofisi za halmashauri kufatilia kila siku hivyo Serikali ikaona ni bora  wananchi wasogezewe huduma na Ubungo tupo hapa Stopover kwa siku 25" alisisitiza Mswani

Mswani aliendelea kusema kuwa,Toka uzinduzi wa zoezi hili wananchi wa Ubungo wamejitokeza kwa wingi na watalaam wanaohusika na zoezi zima wapo hapa kuhakikisha mwananchi wanapata huduma iliyo bora na kwa muda mfupi anakabidhiwa hati yake.

Nae ndg. Amani Mtui Mkazi wa Mbezi ameishukuru Manispaa ya Ubungo kwa kusogeza  huduma hiyo karibu pamoja na kuwashukuru watoa huduma waliopo katika zoezi hilo na pia ameeleza kuwa zoezi la utoaji wa hati papo kwa papo limesaidia kuokoa muda tofauti na awali ufuatiliaji ungechukua muda mrefu mpaka kukabidhiwa hati hiyo

"Nimefurahi sana, nimefika hapa asubuhi na kufanikiwa kupata hati yangu, hapo awali haikuwa rahisi hivi huduma hii imeokoa mda na imekuwa ni rahisi" alieleza hayo Mtui.