UBUNGO YAZINDUA RASMI ZOEZI LA UPIMAJI AFYA BURE

Posted on: July 14th, 2023

Tarehe 14 julai, 2023 Manispaa ya Ubungo imezindua rasmi zoezi la upimaji afya bure ambapo huduma ya vipimo, matibabu na ushauri kwa magonjwa mbalimbali yakiwemo ya kuambukiza na yasiyo yakuambukiza  inatolewa kwa muda wa siku mbili na kumalizika kesho tarehe 15 julai, 2023. 

Aidha Zoezi la upimaji wa Afya bure  lilizinduliwa rasmi na Mkoa kuanzia tarehe 10 julai, 2023 ambapo kila Wilaya itatoa huduma ya upimaji wa  afya bure kwa muda wa siku mbili.

Akifungua zoezi hilo la upimaji  wa Afya bure  Mwakilishi wa mkuu wa Wilaya ya Ubungo Mhe. Ismail Malata  Ambaye pia ni Mwenyekiti wa kamati ya huduma za uchumi, afya na Elimu Manispaa ya Ubungo alimshukuru Mhe. Rais wa jamhuri ya muungano wa Tanzania Dkt. Samia Suluhu Hassan kwa kuwezesha watanzania kupata huduma ya afya bure.

Aliendelea kwa kuwasisitiza wananchi wote kujitokeza kwa wingi kupima afya kwani  magonjwa ni mengi

"Wanamburahati mjitokeze kwa wingi zoezi hili lipo katika Kata yenu, elimu inatolewa bure kuhusu magonjwa mbalimbali yakiwemo yakuambukiza na yasiyo ya kuambukiza na huduma ya madaktari bingwa inapatikana". Alisema hayo Malata 

Aidha, Naibu Meya Manispaa ya Ubungo  Mhe. Yusuph Yenga ambaye pia ni Diwani wa Kata ya Mburahati aliendelea kuwahamasisha wakazi wa mburahati kushiriki katika zoezi la upimaji wa afya bure bila ya malipo

Aliendelea kwa kupongeza maandalizi mazuri ya zoezi hilo pamoja na wadau walioshiriki kikamilifu katika maandalizi ya zoezi hilo

Wadau mbalimbali wameshiriki kikamilifu katika kuhakikisha zoezi hili linafanyika kwa ukamilifu ambao ni  CRDB, NMB, MDH, Mwananyamala hospitali, na BOCHI hospitali

Halikadhalika Mganga Mkuu Manispaa ya Ubungo Dkt.Tulitweni Mwinuka ameshukuru Mkoa kwa kuweza kuratibu zoezi hilo na kufanikisha sambamba na kuwapongeza wadau kwa ushirikiano wao mkubwa wa kuhakikisha Ubungo inafanikisha zoezi hilo.

Nae bi. Amina kilango mwananchi ambaye amefanikiwa kupata huduma  ameishukuru Serikali kwa kuwezesha huduma ya upimaji afya bure kuwafikia

Mmoja wa wadau walio saidia zoezi la upimaji afya bure kufanyika  akipewa cheti cha pongezi na mwakilishi wa Mkuu wa Wilaya Mhe. Ismail Malata ambaye pia ni diwani wa Kata ya Mbezi