UCHAGUZI WA VIONGOZI WA KLABU YA MICHEZO MANISPAA YA UBUNGO

Posted on: September 19th, 2023

Kufuatia kuanzishwa kwa Klabu ya michezo ya Manispaa ya Ubungo  tarehe 19 septemba, 2023 Manispaa hiyo chini ya usimamizi wa Afisa Uchaguzi wa Manispaa hiyo Ndg. Paul Ngunga imefanya uchaguzi wa Viongozi wa chama cha klabu ya michezo Manispaa ya Ubungo.

Katika uchaguzi huo jumla ya kura 82 zimepigwa na wanachama wa klabu hiyo kati ya wanachama 135 waliojiandikisha kwenye daftari la wanachama wa klabu hiyo.

Uchaguzi huo ulihusisha nafasi mbalimbali ikiwemo nafasi ya Mwenyekiti, Mwenyekiti Msaidizi, Katibu, Katibu Msaidizi, Mweka hazina na wajumbe wanne.

Wagombea waliofanikiwa kushinda uchaguzi kwa nafasi hizo ni pamoja na Bhoki Omar Mwenyekiti, Abdallah Kimanywa Mwenyekiti Msaidizi, Subira B Byarugaba Katibu, Victoria K Nyanda Katibu Msaidizi, Jacqueline A Lyimo Mwekahazina na wajumbe wanne akiwemo Hamisa I Ng’umbi, Martha J Nicholaus, Prisca Goliama na Mwanahulu M Boga.

Washindi hao kwa kushirikiana na Kitengo cha Utamaduni, sanaa na michezo cha Manispaa hiyo kinachosimamiwa na Afisa Utamaduni wa Manispaa hiyo Ndg. Kassim Semfuko wataenda kuongeza ari kwenye suala la michezo ndani ya Manispaa ya Ubungo na kuifanya Ubungo kuwa bora kimichezo ndani na nje ya Nchi ya Tanzania.