WADAU NA WATENDAJI WA HALMASHAURI WAPIGWA MSASA UTUNZAJI WA MAZINGIRA DAR ES SALAAM

Posted on: January 8th, 2021

Shirika lisilo la kiserikali la Lawyers Environment action Team (LEAT)limetoa mafunzo kwa wadau na wataalam kutoka katika Wilaya  zilizopo mkoa wa dar es salaam  kuhusu haki za kimazingira kwa wanawake,vijana,wasichana na jamii kwa ujumla kupitia kuwezesha jamii katika masuala ya kisheria.

Lengo la mafunzo hayo ni  kuwajengea uwezo na  kuwawezesha wakazi wa jiji la dar es salaam kuelewa na kutimiza wajibu wao ili kuishi katika mazingira safi na salama.

Aidha malengo mahususi yakiwa ni kuongeza ufahamu wa wakazi wa dar es salaam juu ya haki za kijamii na kiuchumi kwa wanawake , vijana, wasichana na watoto na jamii  na pia kuongeza  uungwaji mkono wa wadau juu ya mahitaji na vipaumbele vya jamii ziishizo jiji la dar es salaam hususani katika kufikia haki za kimazingira.

Pia  wakufunzi kutoka shirika la lawyers Environment (LEAT) waliendelea kusisitiza juu ya uthubutu na kuhakikisha  sheria zilizowekwa kuhusu utunzaji wa  mazingira zinazingatiwa na itasaidia mazingira kuwa safi na salama.

Sambamba na hayo LEAT iliunda timu  ya watu saba kutoka katika kila wilaya kwaajili ya kufuatilia halu mazingira na kutoa mapendekezo juu ya nini kifanyike kuboresha usimamizi wa mazingira.