WADAU WA MAENDELEO WAPELEKA TABASAMU KWA WAFUNGWA SEGEREA

Posted on: March 2nd, 2025

WANAWAKE NA WANAUME UBUNGO WAPELEKA TABASAMU KWA WAFUNGWA SEGEREA

Katika kusherehekea siku ya wanawake duniani ambayo kilele chake ni Mrchi 8, 2025, Wanawake wa Halmashauri ya Manispaa ya Ubungo wakiwa wameambatana na wadau mbalimbali wa maendeleo wametembelea Gereza la Wafungwa Segerea na kuwapelekea zawadi mbalimbali.

Wanawake hao wameshiriki Shughuli hiyo ya Kijamii wakiongozwa na Beatrice Mbawala aliyemwakilisha Mkuu wa Wilaya ya Ubungo Mh. Lazaro Twange wametoa msaada wa vitu mbalimbali ikiwemo Dawa za Meno, Pampas,  Maziwa ya watoto, Mafuta, Sabuni, na vitu vingine ili kuwafariji wafungwa na kujiona watu wasiotengwa katika jamii.

Mratibu wa dawati la wanawake Manispaa ya Ubungo Bi. Hilda Malosha amesema wameenda kuwaona wafungwa kwani ni kundi ambalo jamii linawachukulia kuwa ni wahalifu hivyo wanahitaji upendo na kuwakumbuka kwenye mahitaji huku akiwaasa kuona kama hapo ni mafunzoni na wakirudi uraiani wabadilike.

Aidha amesema kuwa  siku ya wanawake iwe chachu kwa jamii  kuweka utaratibu wa kuwatembelea na kuwapelekea baadhi ya mahitaji yao ya muhimu.

Baadhi ya wafungwa katika Gereza hilo, wamewashukuru wanawake kwa wanaume hao kwa kuwatembelea na kuwaomba kuendelea kuwatembea wafungwa  kwa wakati mwingine huku wakiwtaka kuongeza nguvu katika utoaji wa elimu ya masuala mbalimbali ya kiuhalifu kama vile kujihusisha na Uuzaji wa Madawa ya kulevya, wiki, mauaji, ujambazi n.k ili jamii isiingie katika madhira hayo ya vifungo vya muda mrefu au vifungo vya maisha.