WAGANGA WA TIBA ASILI NA MBADALA WAJENGEWA UWEZO

Posted on: March 31st, 2023

Waganga wa tiba asili na tiba mbadala  wakutana na wataalam Manispaa ya Ubungo ili kujengewa uwezo kuhusu utoaji wa tiba kwa wananchi

Akizungumza katika kikao hicho mratibu wa tiba asili na tiba mbadala Bachuba  Shubila amesema kuwa Lengo la kikao hicho ni kufahamiana , kuweka ushirikiano, kujengewa uwezo kuhusiana na tiba asili na mbadala  na pia kutambua uongozi uliopo

Aidha, mratibu wa afya manispaa Ndg.John Chikomo aliwakumbusha waganga  hao wa tiba mbadala na asili kuhakikisha wanajisajili ili kuorodheshwa kama mganga au msaidizi wa tiba asili

Umuhimu wa kujisajili ni kutambulika na kufanya kazi chini ya sheria, taratibu  na miongozo inavyotaka waganga wote kujisajili ili waweze  kuhudumia wananchi 

Aidha, kila mmoja kuhakikisha anapotoa huduma ya tiba asili na mbadala anapohama au kwenda sehemu nyingine kuhakikisha anapata barua kutoka ofisi ya mkurugenzi ili kumtambulisha uko aendako.alisisitiza mwezeshaji chikomo

Na kwa yeyote atakayefanga kazi bila ya kuwa na kibali atachukuliwa hatua za kisheria.

Waliendelea kujengewa uwezo katika namna ya kupambana na Magonjwa ya mlipuko, maswala ya lishe, uelewa kuhusu magonjwa ya macho, meno na kinywa.