WAJUMBE BODI YA AFYA WAKUTANA KUJADILI TARIFA YA ROBO NNE KWA MWAKA WA FEDHA 2023/2024

Posted on: September 13th, 2024

Wajumbe wa kamati ya bodi ya afya Manispaa ya Ubungo wamekutana kujadili taarifa ya utekelezaji kwa kipindi cha robo ya nne kwa mwaka wa fedha 2023/2024 na kuwataka wataalam kutoka katika dara ya afya kutoa elimu kwa jamii kuhusu umuhimu wa  kujikinga na kupunguza ongezeko la ugonjwa wa malaria kwa kuzingatia matumizi ya vyandarua 

Hayo yamesemwa  tarehe 13/9/2024 wakati wa kikao hicho ambao wajumbe wa kamati hiyo walipopitia utekelezaji wa idara ya afya, lishe na ustawi wa jamii katika nyanja mbalimbali katika kipindi cha miezi mitatu ya robo ya nne

Wakiwa katika kikao hicho, Wajumbe wa kamati wameitaka Idara ya afya kuendelea pia kutoa elimu kwa umma kuhusu kujikinga na maambukizi mapya ya Ukimwi kwani takwimu imekuwa ikiongezeka kwa kasi 

Aidha, kwa upande wa taarifa ya utekelezaji wa huduma za afya na mazingira Wajumbe  wamependekeza masoko yafanyiwe maboresho hasa katika soko la shekilango ambalo mazingira yake sio salama kwa afya ikiwemo mifereji ya kutiririsha maji machafu

Pia wamepongeza halmashauri katika usimamizi mzuri wa miradi ya afya ambayo imetekelezwa na inatumika na kusisitiza wahuduma wa afya kutoa huduma kwa jamii kwa weledi

Na katika masuala ya lishe kamati wameitaka kitengo cha lishe kuendelea kutoa elimu kwa wajawazito kusisitiza matumizi ya vidonge vya folic kwaajili ya kuongeza damu kuepukana na vifo vya wajawazito pamoja na kuzingatia ushauri wa wataalam wa afya wakiwa kliniki

Na pia wajumbe wamepongeza kitengo cha ustawi wa jamii kwa kusimamia na kushugulikia mashauri migogoro 279 ya matunzo ya watoto ambapo migogoro 269 imesuruhishwa,migogoro 7 bado inaendelea kushughulikiwa  na 2 imerudishwa ngazi ya familia na mgogoro 1 umepelekwa Bakwata