WAJUMBE KAMATI YA MIPANGO MIJI NA MAZINGIRA WAFANYA ZIARA YA KUTEMBELEA YA MIRADI, WASISITIZA KASI KUONGEZEKA

Posted on: February 17th, 2025

Kamati ya Mipango Miji na Mazingira Manispaa ya Ubungo imefanya ziara ya kutembelea Miradi Februali 17, 2025 na kusisitiza kasi ya usimamizi wa  Miradi hiyo ikamilike kwa wakati ili wananchi waweze kunufaika na Miradi hiyo

Walipotembela katika  Soko la Manzese ambapo Ujenzi wake  umekamilika kwa Asilimia 75 Kamati imeagiza ifikapo Machi 2025, Ujenzi huo uwe umekamilika ili Mradi huo uanze kutumika na Wananchi waanze kunufaika na Mradi huo.

Akizunguma, Mhe. Diwani Kata ya Makurumla Bakari Kimwanga amesema, 

“Ni matamanio yetu kuwa Masoko yote yakamilike kwa wakati ili Fedha hizi zitusaidie kumalizia miradi mingine, kwasababu fedha za ujenzi wa mradi huo zinatokana na Mapato yetu ya Ndani.

Kwenye Mradi wa DMDP wa Maji Taka Kata ya Sinza Mhandisi kutoka Dawasa Ubungo Ndg. Fedrick Mujungu ameeleza wanatarajia kujenga Mtambo huo wa kuchakata Maji Taka kwani unafaida nyingi kwanza kabisa kuimarisha usafi wa mazingira,Lakini pia Kupunguza gharama za kuchakata Maji taka na kingine kuzuia Milipuko  ya Magonjwa. 

Mujungu amesema Kwasasa mradi huo upo asilimia 20 na Wanatarajia ifikapo Mwezi Mei 2025, uwe umekamilika. Na wananchi watakao nufaika  na Mradi huu watatakiwa kuchangia kiasi kidogo cha fedha pindi Mradi huo utakapo anza kutumika . 

Kamati imepongeza jitihada za Mradi huo na imeagiza wao kama Wadau wa Mradi huo waendelee kutoa Elimu kwa Wananchi ili wajue faida za mradi huo lakini pia Mradi huo Ukamilike kwa wakati.

Kamati pia ilipata wasaa wa kutembelea Eneo la Kata ya Sinza panapotarajiwa kujengwa Kitega Uchumi kwa Mwaka wa Fedha 2025/2026 ambapo Afisa Mipango Bi. Editha Ibrahim Kutoka Manispaa ya Ubungo ameeleza kuwa, manispaa inatarajia kujenga Hoteli yenye Hadhi ya Nyota tano eneo hilo la Sinza. Baada ya kukamilika kwa Mradi huo malengo ni  kujiongezea kipato na fedha hizo zitasaidia katika miradi mingine.

Na pia,Kamati  imepitisha mradi huo lakini pia imepongeza jitihada hizo  zinazoendelea kwani pindi mradi utakapo kamilika Utasaidia Kuongezeka kwa Pato la ndani la Halmashauri.