WANANCHI CHUKUENI TAHADHARI

Posted on: June 5th, 2021

Mapema leo timu ya wataalam wa Jiolojia kutoka Taasisi ya Madini Tanzania ( GST) imewasili katika Mtaa wa makoka kata ya makubuli kujionea hali halisi ya tope linalobubujika  na kuleta madhara kwa wananchi wa eneo hilo.

Gabliel Mbogoni ambaye ni  Mjiorojia mwandamizi  baada ya kutembelea eneo hilo  amelezea kuwa utobubujikaji wa tope hilo  ni moja ya  majanga ya   asili ambayo hutokea kwenye matabaka ya miamba hasa yenye udongo ambayo ikitikikiswa na matetemeko ya upitaji wa magari hupelekea ardhi kuwa katika hali hiyo.

Kutokana na Hali hiyo , Mbogoni amewataka wananchi  wa eneo hilo na watumiaji wa barabara hiyo kuendelee kuchukua tahadhari pamoja na kuwa  njia hiyo itajazwa  mawe.

Aidha, Mbogoni ameelezea kuwa moja  ya athari  zinazoweza kujitokeza katika  eneo hilo ni pamoja na nyumba kuzama na  watu kupoteza maisha

Nae mwananchi wa eneo hilo Chalse Mtweve ameelezea hali halisi ya mazingira ya eneo hilo linavyowapa changamoto wananchi wa eneo hilo ikiwemo kukosa amani na hata kuhofia watoto wadogo wanaopita na kucheza katika eneo kwani wanaweza  kudumbukia.

Kwa upande wake Bi Scolastika Bushoka mkazi wa Makoka ameeleza kuwa  changamoto kubwa  ya eneo hilo kuzama kwa  magari hivyo  kuleta hofu kubwa kwa wakazi wa eneo hilo.