WASHINDI WA KAUSAPEU HAWA HAPA

Posted on: February 10th, 2024

Washindi wa Kampeni ya Kataa Uchafu, Safisha, Pendezesha Ubungo (KAU-SAPEU) wametangazwa rasmi Leo tarehe 10/2/2024 na mshindi wa kwanza ni Mtaa wa Kibururu kutoka Kata ya Goba umepata zawadi ya kiasi Cha shilingi laki sita(600,000), Mtaa wa pili ni Mtaa wa Sinza "A" kutoka Kata ya Sinza umeondoka na shilingi laki tatu (300,000)  na Mtaa  wa tatu ni Mtaa wa Mabibo kutoka Kata ya Mabibo  umepata kiasi Cha shilingi laki mbili (200,000) na hao ndo washindi wa KAU- SAPEU ( Kataa uchafu, safisha , pendezesha Ubungo kwa kipindi cha miezi nne kupita toka kuzinduliwa kwa kampeni hiyo

Na mtaa uliofanya vibaya kwa kipindi Cha miezi minne pia wamekabidhiwa bendera ya  balozi wa Uchafu Ubungo ambayo itapepea katika mtaa huo ambao ni Mtaa wa MIDIZINI kutoka Kata ya Manzese.

Akizungumza katika hafla hiyo Mkuu wa Wilaya ya Ubungo Mhe. Hashim Komba amesema kuwa usafi ni utamaduni , usafi ni ustarabu na usafi ni jukumu la kila mmoja kuhakikisha anaweka mazingira safi

Komba aliendelea kueleza kuwa, Tani 895 za uchafu zinazalishwa kwa Wilaya ya Ubungo hivyo ni jukumu la kila mmoja  kuhakikisha  anafanya usafi ili kuepukana na milipuko ya magonjwa

"Kuna changamoto ya utiririshaji wa maji machafu katika maeneo yetu ni jambo ambalo sio sawa" alisisitiza Komba

Komba alisisitiza Kila mwananchi atambue umuhimu wa kupendezesha maeneo yake, barabara na Wilaya nzima kwa kupanda miti 

Ikumbukwe kuwa tangu kuanzishwa kwa kampeni ya KAU-SAPEU iliyozinduliwa katika Kata ya Manzese mnamo tarehe 26/8/2023  Manispaa ya Ubungo imetangaza rasmi  washindi ambapo waliahidiwa kupata zawadi kwa mtaa utakao fanya usafi vizuri na mtaa utakao fanya vibaya na mtaa huo umepokea bendera inayo sema BALOZI WA UCHAFU UBUNGO.

Washindi hao wamepatikana kwa kuzingatia Vigezo mbalimbali 

Aidha,Wadau mbalimbali wameshiriki wakiwemo TIB,TSP, UDEFO na NIPE FAGIO.