WATUMISHI UBUNGO WAFIKIWA NA ZOEZI LA UPIMAJI AFYA BURE NA KUPEWA ELIMU

Posted on: October 29th, 2024

Idara ya afya,Ustawi wa jamii na Lishe Manispaa ya Ubungo imetoa elimu na upimaji wa magonjwa mbalimbali kwa watumishi waliopo makao makuu na kuwajengea uwezo wa namna ya kujikinga na magonjwa ya  kuambukiza(mlipuko) na yasiyo ambukiza  pamoja na kutoa elimu ya masula ya lishe na ustawi wa jamii

Akizungumza katika kikao hicho Mganga Mkuu Manispaa ya Ubungo Dkt.Tulitweni Mwinuka amewasisitiza watumishi wote kuwa na tabia ya kupima afya mara kwa mara na kuwaeleza umuhimu mtu anapoona ana dalili zozote za awali kwenda hospitali kwa haraka

Mwinuka amesema hayo  tarehe 29 oktoba,2024 wakati wa kikao kilicholenga kutoa elimu ya masuala mbalimbali ya afya.

Akitoa elimu kuhusu magonjwa ya mlipuko Dkt Ilona Elisante amesema kuwa kwa sasa magonjwa ambayo yapo ambayo ni ugonjwa wa Marbug na Mpox ambayo mpaka sasa haujaingia nchini ila nchi jirani tayari visa mbalimbali vimeshaonekana, amesema kuwa magonjwa hayo huenezwa kwa njia ya majimaji ambayo mgonjwa  akigusana na mtu mwingine, kugusana na mgonjwa au mtu mwenye dalili hupelekea ugonjwa huo kuenea

Amesisitiza kuwa ni muhimu kunawa mikono kwa maji tiririka na sabuni, kutoshika maji, damu kutoka kwa mgonjwa na unapoona dalili za magonjwa hayo na unapokuwa na mgonjwa utoe taarifa katika kituo cha afya

Na pia ametoa elimu kuhusu ugonjwa wa kipindupindu na kuwataka kuwa makini katika ulaji wa vyakula ambavyo vinanunuliwa mitaani kwa kuhakikisha maji yanayotumika yamechemshwa na viko katika mazingira safi na salama

Elimu ya masuala ya lishe imetolewa na afisa lishe Manispaa ya Ubungo Beatrice Mossile amewataka watumishi kuzingatia makundi sita  ya vyakula ambavyo vinasaidia kuujenga mwili,kuupa mwili nguvu na pia ameongelea kuhusu siku 1000 ambazo mtoto anatakiwa kuzingatiwa ili awe na afya bora na kuwataka  kuzingatia malezi ya watoto ili taifa liwe na kizazi kilicho bora

Nae afisa ustawi manispaa ya ubungo zainabu Masilamba amezengumzia masuala ya Ukatili wa kijinsia nakuwataka kuzingatia malezi bora kwa watoto kwa kuepuka unyanyasaji na ukatili kwa watoto, wake na kuzingatia malezi bora kwa familia