YALIYOJIRI KWENYE MKUTANO WA BARAZA LA KUPOKEA TAARIFA ZA KATA KIPINDI CHA JULAI HADI SEPTEMBA 2023

Posted on: November 10th, 2023

Baraza la Madiwani la kupokea taarifa za Kata  Manispaa ya Ubungo  tarehe 10 oktoba, 2023 limesisitiza mambo mbalimbali ambayo wataalam wa Manispaa hiyo wanatakiwa kuyazingatia ili kuboresha huduma kwa wananchi wa Ubungo

Katika baraza  hilo wajumbe walisema kuwa kutokana na Mvua zinazoendelea kunyesha katika maeneo mabalimbali nchini, Madiwani wameielekeza Menejimenti kuweka mpango madhubuti wa kukabiliana na madhara yanayotokana na mvua hizo ikiwemo kuharibika kwa  miundombinu ya madarasa katika shule Msingi Kibesa, Vivuko, barabara na makazi ya watu

Na pia, Baraza limeipongeza Menejimenti kwa kutoa Fedha za kutekeleza miradi ya maendeleo ikiwemo ujenzi wa kivuko cha Gonzaga kilichopo kata ya Mabibo, umaliziajibwa miradi ya viporo kwa ajili kuhakikisha wanapata huduma bora.

Aidha,  Katika kuhakisha wananchi wanasogezewa huduma diwani wa kata ya manzese alifanikiwa kugawa kwa wananchi  miwani 100 bure kwenye zoezi la Afya cheki lililofanyika katika kata hiyo mwezi septemba mwaka huu.

Waliendelea kueleza kuwa, Wadau wana mchango mkubwa katika  kuchangia maendeleo ya Serikali kama walivyosaidia kutatua changamoto ya madawati katika shule ya msingi makamba kata ya makuburi

Na katika kuhakikisha Manispaa ya Ubungo inakamilisha miradi viporo, Mkurugenzi wa Manispaa ya Ubungo Ndg Elias Ntiruhungwa amewakumbusha Madiwani ambao ni wenyeviti wa kamati za maendeleo na watendaji kata kuweka kipaumbele cha kukamilisha miradi viporo iliyopo kwenye  maeneo yao ili zitengewe fedha za ukamilishaji.