ZIARA KAMATI YA KUDHIBITI UKIMWI MANISPAA YA UBUNGO

Posted on: July 22nd, 2022

Wajumbe kamati ya Kudhibiti UKIMWI Manispaa ya Ubungo wametembelea Shule ya Msingi Makoka na kuongea na wanafunzi waliojiunga na Club ya Kudhibiti  UKIMWI iliyopo  shuleni hapo Lengo likiwa ni kuona  namna  wanafunzi hao wanavyopata elimu kuhusu maswala ya UKIMWI na wanavyoweza kutoa elimu kwa wengine shuleni hapo kuhusu ugonjwa huo

Akieleza kwa ufupi kuhusu club hiyo Leo tarehe 22 Julai,2022  mwalimu wa Afya Bi. Mariam Shabani amesema kuwa club hiyo ilianzishwa Januari mwaka huu na ina jumla ya wanafunzi 45

Aidha, Wanafunzi hao  wameweza kujieleza kupitia ngonjera na risala ambazo zimelezea uelewa wao kuhusiana na suala zima kuhusu ugonjwa wa UKIMWI na namna njia mbalimbali wanazoweza kuepukana na ugonjwa huo na kujikinga

Nae Mratibu wa Kudhibiti UKIMWI Manispaa ya Ubungo Bi.Mercy Ndekeno ameipongeza club hiyo nakueleza kuwa jitihada zimezaa matunda katika shule hiyo

Aidha wajumbe walishauri  vichaka vinavyosababisha watoto kuwa katika mazingira hatarishi kufyekwa

Pia kamati imeshauri waunde kamati za kudhibiti UKIMWI za kata ambapo diwani atakuwa Mwenyekiti wa hiyo kamati na katika Mtaa ambapo Mwenyekiti ni Mwenyekiti wa Serikali ya Mtaa

waliendelea kwa kusema kuwa Kwenye Vikao vya wazazi kamati iwaelimishe wazazi  na kuhusu kuwaweka wazi watoto wao kuhusiana na swala la maambukizi ili wanafunzi hao waweze kujikinga na hata kwa walio nao wajitokeze kwa walimu wao mashuleni ili waweze kupewa huduma na uangalizi