ZIARA YA WAZIRI WA MIPANGO NA UWEKEZAJI KATIKA KITUO KIKUBWA CHA BIASHARA NA LOGISTIKI AFRIKA MASHARIKI

Posted on: September 18th, 2023

Waziri Ofisi ya Raisi Mipango na  Uwekezaji Mhe.Kitila Mkumbo amefanya ziara katika kituo kikubwa cha  Biashara na Logistiki Afika Mashariki (East Africa Commercial and Logistic Center) kinachojengwa ilipokuwa stendi ya zamani ya mabasi Ubungo kujionea hali ya mradi na hatua za mradi ulipofikia 

Katika Ziara hiyo iliyofanyika  tarehe 18 septemba, 2023 Mkumbo alisema kuwa uwepo wa kituo hiko cha kibiashara utaleta manufaa makubwa kwa watanzania ikiwemo upatikanaji wa bidhaa kutoka nje ya nchi ambapo baada ya kukamilika kwa mradi huo  watanzania watapata bidhaa hapa hapa Tanzania kupitia kituo hicho

Aliendelea kwa kusema kuwa, Kitakua ni kituo kikubwa cha biashara kwa  afrika mashariki na  jangwa la sahara na pia Kupitia kituo hicho cha biashara kitaongeza mauzo ya bidhaa zetu kwenda nje ya nchi

"Hiki ni kituo muhimu kwa biashara na uwekezaji na pia niwatoe hofu wafanyabiashara wa kariakoo uwekezaji huu hautaenda kuharibu biashara zao". Alisisitiza Mkumbo

Na kituo hiki kikikamilika kitasaidia suala la ajira ambapo ajira za moja kwa moja zitakua 15,000 na zisizo za moja kwa moja ni 50,000. Alisema hayo Mkumbo

Niagize Halmashauri ikatoe ushirikiano kuhakikisha mradi huu unakamilika kwa wakati kwani mapato yatakayopatikana yatasaidia Serikali yetu katika shughuli za maendeleo.

Nae, Mkuu wa Wilaya ya Ubungo Mhe. Hashim Komba amemshukuru Mheshimiwa Rais  wa Jamuhuli ya Muungano wa Tanzania Samia Suluhu Hassan  kwa kazi kubwa anayofanya  katika nchi yetu ya Tanzania  na kusaidia uchumi  watanzania unazidi kukua

Aliendelea kwa kusema kuwa , Wilaya ya ubungo itaendelea kutoa ushirikiano kuhakikisha  mradi huu unakamilika kwa wakati

Aidha, Bi. Cathe Wang Mkurugenzi Mkuu wa kituo hicho akiwasilisha taarifa ya mradi  huo amesema kuwa kituo hicho kitajengwa kwa gharama ya jumla ya dola za kimarekani milioni 118 sawa fedha za kitanzania bilioni 271.

Waziri Ofisi ya Raisi Mipango na Uwekezaji  Mhe. Kitila  Mkumbo  akiwa na viongozi wakikagua maeneo mbalimbali ya majengo yanayojengwa katika kituo kikubwa cha biashara Afrika Mashariki