Idara hii ina lengo la kuziwezesha idara nyingine kutimiza majukumu yake, kutoa utaalamu na huduma mbalimbali zinazohusiana na usimamizi wa Rasilimali watu na Utawala kwenye ngazi ya Halmashauri ya Manispaa. Idara hii inaongozwa na Afisa Utumishi mkuu wa Manispaa(MHRO).
Majukumu ya Idara ya Utawala na Rasilimali watu:
Kuratibu masuala ya Mahusiano na Ustawi wa Wafanyakazi ikiwa na pamoja na masuala ya Afya, Usalama, Michezo na Utamaduni
Kuratibu maandalizi, utekelezaji, usimamizi na tathimini ya Mkataba wa Huduma kwa Mteja katika Manispaa
Kutoa huduma za Masijala, Ofisi na utunzaji na usimamizi wa kumbukumbu
Kutoa huduma za Kihitifaki/Itifaki katika Manispaa
Kuratibu huduma za Ulinzi, Usafi na utunzaji Ofisi, majengo na maeneo/viwanja vya ofisi na huduma za Usafiri
Kutoa huduma za ujumla za uangalizi wa vifaa vya ofisi na majengo
Kuratibu utekelezaji wa jukumu la kuimarisha Nidhamu ikijumuisha utoaji wa elimu ya kuzuia Rushwa.
Kuratibu utekelezaji wa masuala mtambuka kama Jinsia, Ulemavu, HIV/AIDS katika Manispaa
Kushirikiana na Ofisi ya Rais Menejimenti ya Utumishi wa Umma – Tume/Sekretarieti ya Ajira juu ya masuala yote yanayohusiana na Ajira na Uteuzi wa watumishi.
Kushauri juu ya ufanisi wa kitaasisi wa Sekretarieti ya Manispaa
Kusimamia hatua/Mchakato wa kuwathibitisha na kuwapandisha vyeo/madaraja watumishi Katika Manispaa
Kuwezesha mafunzo ya rasilimaliwatu na maendeleo (taaluma, weledi, kuboresha ujuzi) kwa ajili ya watumishi wa Manispaa
Kuwezesha programu za mafunzo elekezi kwa waajiriwa/watumishi wapya
Kusimamia Mpango wa Rasilimaliwatu kwa ajili ya kujua upatikanaji na mahitaji ya wataalamu katika Manispaa
Kusimamia mishahara na kushauri juu ya kusimamia mfumo/orodha ya malipo ya mshahara
Kusimamia utekelezaji wa mfumo wa wazi wa mapitio na upimaji wa utendaji wa kazi (OPRAS)
Kushughulikia na kuhuisha taarifa za watumishi kama Likizo za mwaka, likizo za uzazi na matibab, ruhusa za mafunzo/masomo na watumishi kuondoka kazini
Kuratibu upatikanaji wa mafao ya watumishi (malipo ya pensheni n.k) na madai mengineyo
Kushughulikia upatikanaji wa huduma zinazohusiana na watumishi kuondoka kwenye utumishi (kustaafu, kujiuzulu n.k)
Kuratibu kamati ndogo ya Ajira na Uteuzi ya Halmshauri ya Manispaa
Kusimamia masuala ya kinidhamu
Kuratibu na kushughulikia malalamiko na mashitaka
Kumshauri Mkurugenzi wa Manispaa juu ya masuala yanayohusu rasilimaliwatu
Kusimamia upatikanaji wa huduma za Habari, Elimu na Mawasiliano katika Halmashauri ya Manispaa
kuratibu utekelezaji wa sera ya Menejimenti ya Utumishi wa Umma na sheria nyingine zinazohusiana na Utawala na Menejimenti ya Utumishi wa Umma.
