Tangazo kwa wafugaji wote wa mifugo wanaofugia katika Manispaa ya Ubungo

18 April 2017

TANGAZO

HALMASHAURI YA MANISPAA YA UBUNGO

Tangazo kwa wafugaji wote wa mifugo wanaofugia katika Manispaa ya Ubungo

Halmashauri ya Manispaa ya Ubungo inawatangazia wafugaji wote wa ng’ombe, mbuzi, kondoo, nguruwe, mbwa na paka kuwa kwa mujibu wa Sheria ndogo ndogo za Halmashauri ya Jiji ya mwaka 1989 kifungu cha 80 ya Ufugaji Mifugo Mijini  inayosema kuwa:-  

1.    Kosa kufuga mifugo mjini bila kuwa na kibali cha ufugaji,

2.    Kosa kuachia mifugo kuzurura ovyo mitaani au kufungia mifugo maeneo ya barabarani,  

3.    Kosa kufuga mifugo bila kuwapatia chanjo dhidi ya magonjwa kwa mujibu wa maelekezo ya wataalamu wa mifugo,

4.    Kosa kuwanyima haki mifugo inayofugwa, (kuwachapa mifugo, kuwanyima chakula nk),

5.    Kosa kusababisha migogoro inayotokana na mfugaji kutozingatia taratibu za ufugaji hivyo kabla ya kufuga mfugaji anapaswa kupata maelekezo kutoka kwa wataalamu wa mifugo walioko kwenye Kata husika.

Hivyo wafugaji wote wanatakiwa kutoa taarifa kwa wataalamu wa mifugo walioko kwenye Kata husika kwa ajili ya kupata maelekezo Zaidi.

Manispaa ya Ubungo itafanya operesheni ya kuikamata mifugo yote inayozurura na hatua kali za kisheria zitachukuliwa kwa wafugaji ambao mifugo yao itakamatwa kinyume na agizo hili ikiwa ni pamoja na kufikishwa mahakamani.

Tangazo hili linatolewa na Mkurugenzi wa Manispaa ya Ubungo

John L. Kayombo

Mkurugenzi

Halmashauri ya Manispaa ya Ubungo