AJENDA YA ULINZI NA USALAMA NI NYUMBA KWA NYUMBA UBUNGO

Posted on: May 14th, 2022

Katika kuhakikisha suala la ulinzi na usalama wa raia na mali zao katika Manispaa ya Ubungo, Wananchi kuanzia ngazi ya familia wanajilinda na kushiriki kulipa ada ya ulinzi shirikishi kwenye mitaa yetu.

Hayo yamesemwa na Mkuu wa Wilaya ya Ubungo Mhe. Kheri James amewaeleza wananchi Jambo hilo kwenye mikutano ya wananchi iliendeshwa Leo kwenye mitaa ya Wilaya hiyo Kwa lengo la kupanga mikakati ya kuimarisha ulinzi na Usalama kwenye maeneo yao.

 Mhe. Mkuu wa Wilaya amewasisitiza wananchi kuwa  suala la ulinzi na usalama ni la kila mwananchi kushiriki kwenye kujilinda mwenyewe, kuwalinda wenzake katika eneo lake pamoja na  kushirikiana na vyombo vya ulinzi na usalama katika kufichua na kudhibiti vitendo  vinavyohatarisha ustawi wa ulinzi na usalama.

Aidha, Mhe. James amewaeleza wananchi wa Mitaa mbalimbali kuwa  hakuna mwizi ambaye hana kwao, kila mwizi na mtu, muovu ana kwao na ana ndugu zake hivyo kila mmoja ailinde vema familia yake. "Tusipokataa uhalifu ndani ya nyumba zetu, hatutaondokana na uhalifu ndani ya nchi yetu" Alisema.

Sambamba na hilo Mhe. James amewasisitiza wananchi kuchangia suala la ulinzi shirikishi ili kuvipa uwezo vikundi vya ulinzi shirikishi kufanya kazi yao kwa weledi ili kudumisha ulinzi na usalama kwenye mitaa yenu.

#UbungoYetuFahariYetu