ALAMA YANGU INITIATIVE TANZANIA YAUNGANA NA UBUNGO KUTEKELEZA MRADI WA REPRODUCTIVE EQUITY STRATEGY

Posted on: August 28th, 2023

Shirika la AlamaYangu Initiative Tanzania kwa kushirikiana na Manispaa ya Ubungo wanatekeleza mradi wa Reproductive Equity Strategy (REST) unaochangia kuimarisha mifumo ya utoaji huduma za afya ya uzazi na jinsia pamoja na kujenga uwezo kwa vijana waweze kutambua sera na miongozo mbalimbali inayohusu afya ya uzazi kwa vijana.

Ikiwa ni sehemu ya shughuli za mradi, Mkurugenzi wa Utekelezaji (Technical Director) wa AlamaYangu, Bw. Izack Mbilinyi ametoa mrejesho wa shughuli za mradi zilizotekelezwa kwa kipindi cha kuanzia mwezi Januari hadi Juni 2023 kwa CHMT. 

Katika mrejesho huo amesema vijana walioko shuleni wapatao 5162, na vijana 92 walio nje ya shule wamefikiwa. Aidha bwana Izack aliwaeleza wajumbe wa CHMT juu ya watoa huduma za afya waliowezeshwa kupata mafunzo ya utoaji huduma rafiki kwa vijana yaliyoendeshwa na Wizara ya afya ambapo wataalam wawili kutoka vituo cha afya Mbezi na Kimara walihudhuria mafunzo hayo.

Pia mradi wa REST umetoa semina elekezi kwa walimu wa malezi na watoa huduma za afya ngazi ya jamii katika kata sita (6) ili waweze kusaidia katika utekelezaji wa mradi. Katika kuhitimisha bwana Mbilinyi aliwaomba CHMT kutenga fedha kwa ajili ya kutoa mafunzo ya msingi kwa walimu wa malezi wa shule za sekondari ili waweze kuwahudumia vijana kulingana na sera na miongozo mbalimbali ya kitaifa kwa vijana