ALIYOONGEA DC UBUNGO NA WAANDISHI WA HABARI

Posted on: November 16th, 2021

Mkuu wa Wilaya ya Ubungo Mheshimiwa Kheri James Mapema tarehe 16,novemba 2021 aliongea na waandishi wa habari na kusisitiza yafuatayo 

SWALA LA ULINZI NA USALAMA

•Wamiliki wa silaha wasiokuwa na kibali wanatakiwa kuzisalimisha Mapema katika Kituo chochote Cha polisi kilichokuwa karibu na asiyefanya hivyo atawajibika kwa mujibu wa sheria kwani nikosa kumiliki silaha kinyume Cha Sheria

•Aliendelea kusema kuwa Kumekua na ongezeko la matukio ya ubakaji na ulawiti kwa wanafunzi. Jambo ambalo linaendelea  kwa wale wote watakaokutwa na hatia hatua  zinachukuliwa  na amewataka wazazi kuacha tabia ya kumaliza mambo hayo kifamilia.

•Pia ameongelea kuhusu  barabara ya morogoro road kumekuwa na ajali  za mara kwa mara hivyo ameendelea kuwasisitiza wafanyabiashara  wote wanaofanya biashara katika maeneo ya barabara kuondoka ilikuweza kuondokana na ajali hizo.

 USAFI

 •Kheri amesema kutokana na Wilaya ya Ubungo kuwa ni lango la kuingilia Dar es Salaam amewataka wananchi kushiriki vyema katika program za usafi na hasa kufanya shughuli na biashara zao kwenye maeneo rasmi ili kuimarisha usafi.

•Na amewataka maafisa afya kutoa ushirikiano wa kutosha kwa viongozi wa mitaa katika kuhakikisha maeneo yote yanakuwa masafi.

•Kheri amesisitiza maeneoo yote ambayo yalikuwa yakifanyiwa  Biashara na kwa sasa maeneo hayo yamekuwa wazi yaweze  kufanyiwa usafi.

MIRADI YA MAENDELEO

•Kheri amemshukuru Mhe.rais wa Jamhuri ya Muungano wa Tanzania kwa kutoa fedha shilingi bilioni 3.44   kwaajili ya Ujenzi wa madarasa 151  na kununua mashine ya mionzi kwa ajili ya Hospitali ya Wilaya ya Ubungo iliyopo Kimara Baruti

•Kheri Aliendelea kwa kusema kuwa Manispaa ya Ubungo inaendelea na Ujenzi huo wa madarasa ili ifikapo mwaka 2022 wanafunzi wote wa kidato cha kwanza wakapokelewe na kuanza masomo kwa pamoja

AFYA

•Aidha kheri amesema kuwa  Manispaa ya Ubungo imeanzisha kampeni ya mazoezi na amesisitiza wananchi kujitokeza kwa wingi kushiriki katika mazoezi hayo kwaajilli ya kupambana na magonjwa yasiyoambukiza.

•Pia amewapongeza wataalam wa Idara ya afya kwa kujitoa kwao katika swala la utoaji wa chanjo ya UVIKO 19 na  kuwasisitiza  wananchi kuendelea kujitokeza kuchanja na  kwa atakae kuwa tayari kwa hiari yake kupata chanjo hiyo basi awasiliane na yeye au Mganga Mkuu wa Manispaa ya Ubungo ile waweze kufuatwa walipo kwa ajili ya kupata chanjo hiyo.