"BAMBOO DAY" UBUNGO KWA KUSHIRIKIANA NA KAMPUNI YA MAGODA BAMBOO YAADHIMISHA SIKU YA UPANDAJI NYASI ZA MIANZI DUNIANI

Posted on: September 18th, 2025

Bamboo day ni siku ya nyasi za mianzi duniani ambapo leo Manispaa ya Ubungo kwa kushirikiana na Kampuni ya Magoda Bamboo Limited ambayo inajihusisha na uzalishaji wa nyasi za mianzi na bidhaa zinazotoka na mianzi ikiwemo fenicha  kwa Tanzania, wamefika katika mto Mpiji uliopo kata ya Mbezi  kwa ajili ya kuendesha zoezi zima la upandaji wa nyasi  hizo katika kingo za mto huo na jumla ya  miche ya nyasi 500 imepandwa.

Akizungumza katika zoezi hilo Leo tarehe 18 septemba, 2025 kaimu Mkuu wa kitengo Cha Maliasili na mazingira Nice Vahaye ambaye pia amemuwakilisha Mkurugenzi wa Manispaa hiyo amesema kuwa zoezi hilo la upandaji wa nyasi  za mianzi katika kingo za mto Mpiji utasaidia wakazi wa eneo hilo kwa kiasi kikubwa kwani nyasi hizo zinaenda kusaidia kuzuia madhara makubwa yatakayotokana na mto huo kuendelea kupanuka.

Vahaye ameendelea kueleza kuwa "Bamboo" ni nyasi za mianzi na Manispaa ya Ubungo inaendelea kushuruku kwa ujio wa kampuni hiyo ya Magoda bamboo company limited kwani lengo la ujio wao kwa Ubungo unaenda kuleta manufaa makubwa.

Magoda Bamboo wameleta nyasi hizo ikiwa ni moja wapo  ya zoezi la kuhakikisha maeneo yote ambayo yameathiriwa na mito hayaendelei kutanuka. ameeleza Vahaye

Yohana Abdallah mzalishaji wa miti ya mianzi kutoka Magoda Bamboo amesema kuwa dhumuni la kuleta mito hiyo ni kwa sababu uwezo wa miti hiyo kuota bila shida haichagui maeneo hata maeneo ya ukame na joto hivyo kwa kipindi cha sasa na mvua zinazoendelea itaweza kuishi na kukua zaidi

Nae, Roberto Mhando afisa uhusiano kutoka Magoda Bamboo amezungumzia kuhusiana na kampuni hiyo ambayo inajihusisha na uzalisha wa miti ya mianzi na bidhaa zinazotokana na miti ya mianzi ikiwemo fenicha na kuwakaribisha wanaubungo na wananchi kwa ujumla kufika katika kampuni hiyo kujionea na kupata elimu

Nao wakazi wa eneo hilo, wameishuru Manispaa kwa kushirikiana na bamboo kwa ujio wao kwani unaenda kuleta manufaa makubwa kwa wakazi wa eneo hilo na kusaidia kupunguza athari ambazo mto huo ungeenda kuleta kwa baadae kama ungeendelea kutanuka.