BANK YA DUNIA YARIDHIKA NA UTEKELEZAJI WA MRADI WA SHULE YA DAR ES SALAAM GIRLS

Posted on: March 18th, 2024

Nimefurahi kuja katika Shule hii nimejifunza mambo mengi na ninawaona watoto wa kike kutoka katika Shule hii wakifanikiwa na kuwa wanasayansi wakubwa wa baadae

Hayo yameelezwa  tarehe 18 march, 2024 na Muna Sulih Meky  Mkurugenzi wa elimu kutoka bank ya dunia alipotembelea katika Shule Maalumu ya Wasichana ya Dar es Salaam Girls kujionea utekelezaji wa mradi kwa awamu ya kwanza na ya pili  kwa lengo la kuja na mpango ambao utaweza kusaidia maboresho mengine kufanyika na kusaidia mradi huo kukamilika.

Muna aliendelea kwa kueleza kuwa ujio wao ni kwa ajili ya  kupokea yale ambayo yanahitajika na kama bank ya Dunia  itakuja na mpango ambao utaboresha katika upande wa ICT na pia wataleta vitabu ambavyo vitawasaidia wanafunzi kusoma na kufikia malengo yao 

Aidha Bank ya Dunia wamesema kuwa katika mpango ujao utahakikisha ujenzi wa shule Maalumu kwa ajilii ya watoto wa kiume unatekelezwa.

"Walimu mna jukumu kubwa la kuwafundisha wanafunzi Hawa waweze kufikia malengo yao kama nilivyowasikia wengi wanahitaji kuwa madaktari". Alisisitiza MunaNae Richard Makota Mratibu wa Maradi wa SEQUIP ngazi ya Wizara amesema kuwa Dar es salaam Girls ni moja kati ya Shule 26 ambazo zimejengwa kutokana na fedha za SEQUIP nchini.

Diwani wa Kata kwembe Mhe.Nicholaus Lumbugu amewashukuru bank ya Dunia  kwa kuja na kujionea utekelezaji wa  mradi huo ambao utakapokamilika utatengeneza kizazi chenye watoto wa kike wasomi wakubwa kwa taifa

Nae, Kaimu Mkurugenzi ambaye pia ni Mkuu wa Idara ya elimu Sekondari Manispaa ya Ubungo Voster Mgina alielezea mradi huo kutoka hatua ya awali mpaka ulipofikia Sasa na  kuwashukuru bank ya Dunia kwa kufika na kujionea hatua ya mradi huo ulipofikia na kuwaahaidi Ubungo itaendelea kuonyesha ushirikiano kati yao kwa manufaa ya maendeleo ya Shule hiyo 

Halikadhalika, akishukuru kwa niaba ya wanafunzi Dada Mkuu wa Shule Eva Ngoli ameishukuru benki ya Dunia kwa kuja kusaidia Serikali  ya Tanzania  na kuwaahidi watasoma kwa bidii ili kufikia malengo.