BARABARA YA SUKA - GOLANI MAMBO SAFI

Posted on: May 14th, 2022

1. Wakazi wa eneo la Kimara suka mpaka golani sasa kuanza kupata ahueni ya usafiri wa barabara ya Suka mpaka Golani baada ya serikali kuahidi kuijenga barabara hiyo kwa kiwango cha lami.

Hayo yamesemwa leo tarehe 14 May 2022 na Waziri wa Ofisi ya Rais Tawala za Mikoa na Serikali za Mitaa Mhe. Innocent Bashungwa alipofanya ziara katika Wilaya ya Ubungo na kutembelea barabara hiyo

ambayo imekua kero kubwa kwa wananchi wa eneo hilo.

Mhe. Bashungwa baada ya ukaguzi wa barabara hiyo ametoa maelekezo ya serikali kwa Manispaa ya Ubungo na TARURA  kufanya tathmini ya gharama ya ujenzi wa barabara hiyo na kuwasilisha makadirio hayo Ofisi ya Rais TAMISEMI  ndani ya siku thelathini ili serikali itoe fedha za kujenga barabara hiyo kwa kiwango cha lami.

"Kila eneo au mtaa una haki ya kujengewa barabara ya kiwango cha lami na sio maeneo ya mijini pekee , ndio maana Serikali ya awamu ya sita imesikia na imeamua kujenga barabara ya suka golani kwa kiwango cha lami ili wananchi wafurahie miundombinu bora ya barabara" alieleza Mhe. Bashungwa

Nae mbunge wa jimbo la Ubungo Mhe. Kitila Mkumbo amemshukuru Mhe. Bashungwa kwa kufika na kutoa maelekezo ya serikali ya  kujenga  barabara hiyo kwa kiwango cha lami.

#UbungoYetuFahariYetu