BARAZA LA MADIWANI LA MANISPAA YA UBUNGO LAPONGEZA UTEKELEZAJI MZURI WA MIRADI YA MAENDELEO

Posted on: November 13th, 2024

Baraza la madiwani Manispaa ya Ubungo tarehe 13 oktoba, 2024 wamepongeza utekelezaji mzuri wa miradi ya maendeleo katika kikao cha baraza la kupokea taarifa za kata ambapo madiwani kutoka kata 14 za Manispaa ya Ubungo wamewasilisha taarifa.

Akizungumza katika baraza hilo Mstahiki meya Manispaa ya Ubungo Mhe. Jaffary Nyaigesha amesema kuwa Ubungo inajivunia kuwa na viongozi na wataalam ambao wamekuwa chachu kubwa ya usimamizi na utekelezaji mzuri wa miradi ambapo mpaka sasa Ubungo miradi mingi imekamilika

Serikali inaendelea kuhakikisha miradi inatekelezwa kwa kutoa fedha na utekelezaji unaonekana ikiwemo ujenzi wa miradi ya afya, elimu na barabara

Na pia Nyaigesha amekemea na kuwataka waliosambaza  taarifa katika mitandao ya kijamii inayosema Shule ya Msingi Ubungo NHC imeuzwa, Nyaigesha amesema taarifa hiyo si yakweli na kuwataka wazazi na walezi kuwa watulivu na kutosikiliza maneno yanayosambazwa katika mitandao

Nae, Katibu Tawala Wilaya ya Ubungo Mhe. Hassan Mkwawa ameendelea kusisitiza miradi mipya ambayo inategemewa kuanza kasi ikaongezeke ili iweze kumalizika kwa wakati na kupongeza viongozi wa Manispaa kwa kusisimamia miradi hiyo.