BARAZA LA MADIWANI LASISITIZA UMALIZIAJI WA MIRADI VIPORO

Posted on: November 10th, 2023

Wajumbe wa baraza la Madiwani Manispaa ya Ubungo wamesisitiza miradi ambayo haijamaliziwa kwa muda mrefu iweze kumaliziwa ili wananchi waweze kunufaika na miradi hiyo.

Hayo yameelezwa  tarehe 10 oktoba,2023 ambapo wajumbe wa baraza hilo walipozungumzia kuhusiana na miradi ambayo haijamaliziwa kwa muda  mrefu na kusababisha wananchi kukosa huduma ikiwemo mradi wa ujenzi wa Shule ya Msingi  Golani iliyopo kata ya Kimara na kusisitiza fedha zitengwe kwaajili ya miradi hiyo kukamilika

Na pia Wajumbe wa baraza hilo, walisitiza Wakandarasi wanaosimamia miradi na kusababisha miradi kukwama  na kushindwa kumalizika kwa wakati wasimamishwe na ili kuwezesha kasi ya utekelezaji wa miradi kuongezeka vikundi vinavyojihusisha na maswala ya ujenzi vinaweza kupewa kazi.

Aidha, wajumbe walisisitiza usanyaji wa mapato na kuwaagiza wataalam kusimamia vyanzo kwa weledi sambamba na kuongeza kasi katika ukusanyaji kwani mapato mengi yanapotea bila kukusanywa

"Nasisitiza Wataalam wabuni vyanzo mbalimbali vya mapato vitakavyosaidia kuongeza mapato ya halmashauri" alisisitiza mjumbe wa baraza hilo ndg Eliam Manumbu

Nae, Katibu tawala Ndg.Hassan Mkwawa alieleza kuwa kwa kipindi cha miezi mitatu yani Julai hadi Septemba  mapato yalikusanywa nakufikia asilimia 23 ambapo lengo ni kukusanya asilimia 25 hii inaonyesha bado hatujafikia kufikia malengo inahitajika nguvu zaidi mapato yakusanywe kwa wingi

Hivyo, kuna timu imeundwa kwa ajili ya kupita katika kila chanzo ili kujua data kamili za mapato yaliyopo katika vyanzo na kuainisha biashara ambazo hazina leseni ikiwemo baa,grocery,maduka,hotel n.k.  jambo ambalo litasaidia kujua ni wapi ambapo panatakiwa kutiliwa kipaumbele ili ukusanyaji wa mapato uongezeke. alieleza hayo Mkwawa