BARAZA LA MADIWANI ROBO YA PILI 2024/2025 LAFANYIKA

Posted on: February 21st, 2025

Baraza la Madiwani  Manispaa ya Ubungo kwa robo ya pili lafanyika  tarehe 21/2/2025 na kupongeza juhudi za Serikali katika kuhakikisha Fedha zinazopatikana zinaenda kutekeleza miradi ambayo wananchi wananufaika nayo

Akizungumza katika Baraza hilo, Mstahiki Meya Manispaa ya Ubungo Mhe.Jaffary Nyaigesha amesema Serikali imekua ikifanya juhudi kubwa katika kuhakikisha wananchi wanakuwa na mazingira salama katika sekta mbalimbali ikiwemo elimu, afya, miundombinu ya barabara, maji nakadhalika

Mhe.Nyaigesha aliendelea kueleza kuwa, Ubungo imefanya maendeleo makubwa kwa kuzingatia mahitaji ya wananchi na mpaka kufikia sasa changamoto nyingi zimetatuliwa katika upande wa afya na pongezi nyingi ziende kwa kanisa la Watakatifu wa kanisa la siku za mwisho ambao wameweza kusaidia katika kuleta Vifaa tiba katika kituo cha afya kimara na kusaidia ujenzi wa madarasa katika Shule ya msingi Kibamba

"Vilevile, niwambie wajumbe wa Baraza hili mkatoa wafanyabiashara na wengine mkachukue fremu za maduka katika kituo cha kibiashara Cha Afrika mashariki (EACLC) kilichopo Ubungo ilipokuwepo stendi ya mabasi hapo awali kwani kituo kile kina manufaa makubwa kwa Ubungo katika mapato na kuleta maendeleo kwa taifa" alisisitiza Nyaigesha 

Mstahiki Meya ameendelea kuwapongeza madiwani kwa kuhakikisha wanakuwa mstari wa mbele katika kusimamia miradi katika kata zao 

Kwa upande wake Mkuu wa Wilaya ya Ubungo Mhe.Lazaro Twange amelishukuru Baraza hilo kwa mapokezi mazuri toka alipofika Ubungo na kuwataka kuendelea kutoa ushirikiano mzuri katika kutekeleza majukumu ya kila siku ya kuleta maendeleo 

Na pia Mhe.Twange amewataka madiwani hao inapotokea changamoto yoyote yupo tayari kushughulikia kwa haraka.