BARAZA LA MADIWANI UBUNGO LAPITISHA RASIMU YA MPANGO WA BAJETI KIASI CHA SHILINGI 143,142,599,995.00 KWA MWAKA WA FEDHA 2025/2026

Posted on: February 21st, 2025

Baraza la madiwani Manispaa ya Ubungo laidhinisha mapendekezo ya rasimu ya  mpango wa  bajeti yenye makisio ya bajeti ya  mapato ya ndani, ruzuku ya matumizi ya kawaida na miradi ya maendeleo  jumla ya  shilingi 143,142,599,995.00  kwa ajili ya Matumizi ya kawaida na miradi ya maendeleo kwa mwaka wa Fedha 2025/2026.

Akisoma taarifa  ya rasimu ya bajeti hiyo Mkuu wa Idara ya mipango na uratibu Ndg. Andambike Kyomo tarehe 21 februari, 2025 amesema kuwa bajeti hiyo imelenga katika vipaumbele vitano navyo ni uendelezaji wa miundombinu, kuimarisha utawala bora, usimamizi wa mazingira na mabadiliko ya tabia Nchi, kukuza usawa wa kijinsia na uwezeshaji kiuchumi kwa makundi maalumu na wananchi.

Na katika kipaumbele cha  kuongeza mapato, Manispaa  imepanga kubuni, kusimamia, na kuimarisha ukusanyaji wa vyanzo vya mapato ya ndani. Aliongeza Kyomo

Aidha, Madiwani katika Baraza hilo wamepongeza maandalizi  ya bajeti hiyo ambayo inaenda kutekeleza miradi yote yenye tija na manufaa kwa wananchi wa Ubungo na kuagiza utekelezaji wa Matumizi ya fedha za  bajeti hiyo zikazingatiwe kikamilifu ili ziweze kuleta maendeleo  na manufaa makubwa kwa wananchi wa Ubungo

Nae Mstashiki Meya Manispaa ya Ubungo, Mhe Jaffary Nyaigesha amewataka wataalam kuendelea kukusanya mapato zaidi na zaidi na kusimamia vyema vyanzo vya mapato ikiwa ni njia moja wapo itakayosaidia Ubungo kuendelea kuwa vizuri katika kuleta maendeleo kutokana na makusanyo na vilevile kila mwaka bajeti kuweza kupanda.

Pia Mhe.Nyaigesha amewapongeza wataalam wa Manispaa hiyo kwa kuzingatia usimamizi mzuri wa mapato na utekelezaji wa miradi na pia amempongeza Mkurugenzi wa Manispaa hiyo Mhe. Aron Kagurumjuli kwa juhudi anazozionesha za kuleta  maendeleo kwa Manispaa ya Ubungo