BARAZA LA WATOTO WILAYA YA UBUNGO LAFANYIKA

Posted on: June 27th, 2024

Manispaa ya Ubungo kupitia Idara ya maendeleo ya jamii wametoa elimu ya ukatili wa kijinsia na umuhimu wa watoto kutambua haki na wajibu wao katika baraza la watoto lililofanyika tarehe 27/6/2024 katika ukumbi wa mikutano wa Manispaa ya Ubungo

lengo la baraza hilo ni kuwapa elimu watoto kuhusu masuala mbalimbali ikiwemo ukatili wa kijinsia, usalama na ulinzi wa mtoto, umuhimu wa baraza hilo na ushirikishwaji wa watoto katika haki na wajibu wao

Akizungumza na watoto hao Mkuu wa Idara ya maendeleo ya jamii Manispaa ya Ubungo  Rose Mpeleta amewaeleza watoto hao umuhimu wa kuzingatia maadili na kuepukana na tabia zisizostahili na kuwasisitiza kuzingatia masomo yao na kuwaheshimu wazazi

Mpeleta ameendelea kwa kuwapa elimu namna ya kuwa viongozi bora  hasa katika jamii kwa kuwapa elimu na wenzao wanaokiuka maadili mema na kufanya kufanya vitendo viovu ikiwemo unyawaji wa pombe,kujihusisha na ngono zembe na makundi yasiyostahili wanapokuwa shuleni

Akitoa elimu kuhusu masuala ya ukatili wa kijinsia Mratibu Dawati la maendeleo na jinsia Manispaa ya Ubungo Hilda  Malosha amewataka watoto hao kuepukana na ndoa za utotoni na kuwaeleza umuhimu wa watoto hao kusoma na kuachana na tabia zisizostahili ambazo zitakwamisha masomo yao

Ni vizuri ukasoma kwa bidii kwa ajili ya kutimiza ndoto zako, jambo la muhimu ni kuzingatia maelekezo ya wazazi. aliwasisitiza Marosha

Nae, Mratibu wa Dawati la watoto Manispaa ya Ubungo Bupe Mwansasu amemshukuru mdau SOS Village aliyehusika katika maandalizi ya baraza hilo ambalo limesaidia watoto hao kuwajengea uelewa katika masuala mbalimbali.