BENKI YA DCB WATEMBELEA UBUNGO NA KUTOA ELIMU

Posted on: September 13th, 2024

Banki ya Biashara ya Dar Es Salaam (DCB)  imetembelea Manispaa ya Ubungo na kufanya kikao cha kujenga uelewa kwa timu ya Menejimenti  na Kamati ya Fedha juu ya mikakati ya benki hiyo katika kukuza mtaji na kutoa gawio la wanahisa wake

Ugeni huo umekuja leo tarehe 13/9/2024 kwa lengo la kuwezesha Halmashauri ambao pia ni wanahisa wa benki hiyo  kupata uelewa wa namna benki hiyo ilivyojipanga inavyofanya kazi na kuiomba Halmashauri itumie benki hiyo hasa kwa wakandarasi na utoaji wa mikopo ya asilimia 10 inayotolewa kwa wajasiriamali wake ili kukuza mtaji

Aidha, Halmashauri imewashukuru kwa  ujio wao na kuwataka kuleta mchanganuo utakao wawezesha kujua namna watakavyofaidika na benki hiyo kama wanahisa.

Ikumbukwe kuwa, Halmashauri ya Manispaa ya ubungo ni moja kati ya Halmashauri tano za mkoa wa dar es salaam  ambao ni wanahisa wa benki ya DCB.