BWENI LA WANAFUNZI LATEKETEA KWA MOTO UBUNGO

Posted on: April 8th, 2024

Bweni la wanafunzi wa kike katika shule ya sekondari ya Rising star iliyoko kata ya Mbezi Manispaa ya Ubungo limeteketea kwa moto April 8, 2024 majira ya asubuhi chanzo kikidaiwa kuwa ni hitilafu ya umeme.

Akiongea muda mfupi baada ya tukio la moto huo uliounguza bweni hilo kutokea, Katibu tawala wa Wilaya ya Ubungo Hassan Mkwawa amesema moto huo haujasababisha vifo wala majeraha kwa wanafunzi isipokuwa umeteketeza vifaa vya kusomea, vitanda na magodoro na amewaomba wanafunzi wasiwe na hofu kwani kila kitu kitaenda sawa kwani wote wako salama.

“Nitoe pole nyingi kwenu, tunashukuru mungu kwani janga limetokea wote tukiwa darasani, hivyo hakuna mtoto aliyeathiriwa kwa namna moja au nyingine, msichanganyikiwe, endeleeni na masomo, mchukulie kama janga la kawaida hakuna haja ya kuwa na hofu kwani limeshapita” alieleza Mkwawa.

Aidha, Mkwawa amelekeza mabweni yale yasitumiwe kwa sasa mpka pale wataalamu watakapo toa taarifa juu ya ubora wa kutumika kwa jengo hilo.

Kwa upande wake Mkuu wa shule hiyo, Bi Leticia Madenge amesema anaishukuru serikali na wananchi kwa msaada walioonesha katika kukabiliana na moto huo kwani bila juhudi hizo pengine moto ungesambaa katika majengo mengine. Ameongeza kuwa jumla ya wanafunzi 32 walikuwa wanalala kwenye bweni hilo